هاني شنودة يكشف سر رفضه العزف لأم كلثوم ومفاجأة عن 6 أغاني لنجاة (فيديو)

كشف الموسيقار هاني شنودة، سر رفضه العزف لكوكب الشرق أم كلثوم، موضحًا: "قلت هو ينفع اعزف لها 3 دقائق واسكت ساعة إلا ربع على ما الأغنية تخلص؟!".

سبب رفض هاني شنودة العزف ل أم كلثوم
وتابع خلال لقائه ببرنامج "الستات" الذي تقدمه الإعلامية مفيدة شيحة بقناة "النهار": "كانت غلطة مني أني رفضت العزف لأم كلثوم، ولكن كانت حاجة صح أني اهتميت بنفسي كمؤلف موسيقي".
وأضاف:"صديقي مجدي الحسيني لما راح لفرقة أم كلثوم فضل عازف رغم انه بيألف كويس ولكن شهرته بقت عازف".

اصطياد نجاة الصغيرة اغاني هاني شنودة
وعن تعاونه مع الفنانة نجاة الصغيرة، علق: "كنت ساكن في الدقي دور أرضى لأن بحب الجناين والزرع ومليش في البحر، وألاقي نجاة رافعة لياقة ولابسة النضارة وحاطة غطاء على شعرها ومتخفية، فتيجي ترن الجرس وتقولي إيه اللى كنت بتلحنه دلوقتي فتقولي هبعتلك الأبنودي يكتبلك حاجة على اللحن ويبقى بتاعي، كانت بتصطاد أغانيا من الشباك".

قصة ال6 أغاني التي رفضت نجاة ظهورها للنور
وتابع: "نجاة الصغيرة صيادة، ولحنت لها 3 أغاني شافوا النور وهما بحلم معاك وأنا بعشق البحر ويوم الهنا، ولكن أنا عملت لها 6 أغاني تانيين عندها ولست مغنتهمش لحد دلوقتي والسبب وراء عدم غنائها لهم أن أحد الملحنين كان بيروح لها ويسمع الأغاني اللى عاملها لها فيقولها بعد ما تغني مدايح وطرب تغني دانس فترفض تنزلهم، رغم إن كمال الطويل قالها أنت مجنونة يا نجاة متغنيش الأغاني دي ده هاني شنودة رجعلك شبابك، بس في النهاية خوفها ومنعها تنزلهم".
هاني شنودة: أنا عمري 80 سنة ولو قعدت في البيت أموت (فيديو)
هاني شنودة: أغاني المهرجانات اختفت ونعيش زمن ويجز اللي بيتقل عليا (فيديو)
سر انقطاع تعاون هاني شنودة مع عمرو دياب ومحمد منير
كشف الموسيقار هاني شنودة، السر وراء عدم استمرار تعاونه مع عمرو دياب ومحمد منير، رغم مساهمته في صنع نجوميتهما.

انشغال عمرو دياب ومحمد منير
وقال هاني شنودة خلال لقائه ببرنامج "الستات" الذي تقدمه الإعلامية مفيدة شيحة وسهير جودة، بقناة "النهار": "أنا مشغول وعمرو دياب ومحمد منير كمان مشغولين علشان كده مفيش استمرار في التعاون ما بينا".

زحمة حياة محمد منير وعمرو دياب
وتابع: "فيه زحمة في حياة محمد منير وأيضا عمرو دياب، وأنا كمان مش واقف عملت مؤخرا قافلة السعادة، وده عمل يمكن علشان ربنا يدخلنا الجنة اذا كان ممكن، العمل بتاعي معايا 4 مطربين وانا بالأورج ونروح دور المسنين والعجزة والمعاقين ونقعد نغني لهم ونخليهم يغنوا معانا".

مشروع هاني شنودة قافلة السعادة
ولفت: "فكرة قافلة السعادة عرضتها علي الدكتورة مؤمنة كامل أستاذة التحاليل بقصر العيني، وبقالنا 4 مرات بنعمل حفلات في دور المسنين والعجزة، الموضوع مش مرهق علي أنا 80 سنة ولو قعدت في البيت أموت".

مواهب مصر الفنية
قال الموسيقار هاني شنودة: "أحمد النقاش صوته حلو قوي ومصر مليانة بالمواهب، وأنا بتابع ويجز وحسن شاكوش وكل الأصوات علشان أعرف احنا رايحين فين".

عرض هاني شنودة ل ويجز
وتابع خلال لقائه ببرنامج "الستات" الذي تقدمه الإعلامية مفيدة شيحة بقناة "النهار":"لسه عرضى قائم برغبتي في التلحين لمغني الراب ويجز، وأرى أن ويجز هو رئيس المصلحة دي فاذا دخلت للرئيس الباقي كله هيعمل نفس الحكاية".

زمن ويجز واختفاء ظاهرة اغاني المهرجانات
وأضاف:"نحن في زمن ويجز، وأغاني المهرجانات اختفت في وجود ويجز وأحمد سعد، وانا مكنتش حابب مرحلة المهرجانات بسبب الكلمات مش الألحان ولا الأصوات ولكن الترويج للمخدرات وترديد الألفاظ الخارجة انا ضدها".

سر تجاهل ويجز لهاني شنودة
وأكمل: "احنا في مرحلة الراب وعلشان كده عايز أتعاون مع ويجز وألحن له، هو من حقه يتقل عليا لإنه بيعتقد إن القدام مخهم مقفل وهما اللى بوظوا الدنيا وده إحساس عام في الجيل الجديد وإحساس مقبول".

مناشدة هاني شنودة ل ويجز
ولفت: "أنا رميت الكرة في ملعب ويجز وقلت له هات الكلمات اللى تعجبك علشان أقراها وهو هايل ولو جابلي كلام كويس هنعمل منطق تاني في التلحين يبقى فيه راب يحمل ميلودي رومانسي يحضني وأحضنه يبقى فيه تطبيع".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.