هانى شنودة: عدم ارتباط اسمى بأم كلثوم غلطة وندمان عليها وعملت شغل كثير للزعيم

قال الموسيقار هانى شنودة انا رفضت العزف لأم كلثوم لان أغانيها طويلة وعدم ارتباط اسمى بأم كلثوم غلطة وندمان عليها لكن انا في الوقت ده كنت مهتم بالتأليف الموسيقى أكثر من العزف.

وأضاف شنودة خلال لقائه ببرنامج بالخط العريض مع الإعلامية إيمان أبو طالب: المزيكا عبارة عن كلام وهى لغة وفيها كل حاجة السؤال والجواب والجملة الاسمية والفعلية واحنا جزء من التمثيل، والمزيكا عنصر هام جدا في التمثيل لانها بتوصل المشاعر للمشاهد، وانا عملت شغل كثير مع عادل إمام .

وتابع الموسيقار الكبير: وفى فيلم شمس الزناتى انا قولت انا هعمل التتر لو هينفع نشتغل لو مش هينفع نرميه في الزبالة وماحدش يعرف حاجة عنه ، وانا عملت مجهود جامد جدا في فيلم تحترس من الخط.

وأكمل شنودة مع منير كنت أول واحد يدخل الدرامز مع الدفوف ومحمد منير كان رماح ، زمان كان عندنا لجنة الإذاعة وكان كلهم نفس الذوق فكانوا بينجحوا اللى بيسمعهم الحاجات اللى بيحيوها ولكن اليوم من ينجح على اليوتيوب هو الناجح والذى يستطيع أن يحشد الناس في حفله ناجح ياريت كل الناس تنجح بالكلمات المحترمة.

وأكد هانى شنودة أن عدوية وويجز كل واحد منهم ناجح في زمنه ، وأحمل كل إعجاب لتامر حسنى لأنه فاهم هو بيعمل ايه ، وهانى شاكر النقيب بتاعنا ما قدرش افتح بقى ، وحسن شاكوش مواهب جيدة وناس عالميين والفشنى فاضلله خطوة للعالمية وهو صوته حلو قوى وبيعرف يغنى ، وشرين بتفكرنى بخضرة محمد خضر وهى أستاذة غنا ، وأنغام تراس بتغنى الغنى المصرى التقليدي كما أنزل، وبقول لمحمد منير انت مقصر في حق صحتك وبقول لمطربى الأوبرا ده مش عصر أم كلثوم، وعدوية أطيب قلب في مصر لأنه راجل يمثل الشخصية المصرية النظيفة ، وعمرو دياب من حظه انه اتقابل معايا ومن حظى انى اتقابل معاه ، ونجاة ربنا عملها للفن وعمر خيرت صديق مرحلة الشباب وأنا مدين له بالكثير وهو مدين لى بالكثير وعمر خورشيد كان شاب جميل الملامح فنان حقيقى .