تنبأ بوفاته ورحل في 5 دقائق.. أرملة حسين الإمام تكشف اللحظات الأخيرة في حياته

قالت الفنانة سحر رامي:"حسين الإمام من أول مرة شافني فيها عرض عليا الزواج وقال لي تتجوزيني فقلت له مش عايزة اتجوز انا لسه ببدأ حياتي الفنية حينها ضحك وابتدينا نتعرف والحكاية بدأت بجد واتجوزنا".

فترة زواج حسين الإمام
ولفتت خلال لقائها ببرنامج "كلام الناس" المذاع علي قناة "ام بي سي مصر":"اكتر حاجة شدتني في حسين الإمام ان دماغنا كانت شبه بعض وأعجبنا ببعض وفترة جوازنا امتدت ل22 سنة قبل رحيله من 8 سنين وانا حاسة انه في مكان تاني، حاسة ان وفاته امبارح وبيوحشني جدا وهيفضل يوحشني لنهاية العمر، ومتجوزتش من بعده".
وفاء زوجة حسين الإمام
وتابعت:"اتجوزت حسين الإمام ولحد آخر لحظة في حياتي هافضل مراته ومش هاتجوز حد تاني من بعده، وقررت بيني وبين نفسي إني لما اتجوز ميكونش عندي قصص عاطفية هي زيجة واحدة وعلاقة عاطفية واحدة والحمد لله ربنا وفقني في قراري ومطلقتش ولا اتجوزت من غير زوجي حسين الإمام ولغيت الاحتفال بعيد ميلادي بعد وفاته".

اللحظات الأخيرة في حياة حسين الإمام
ولفتت:"يوم وفاته كان بيعمل مسلسل في بيروت وكنا بنحتفل بعيد ميلادي بالنهار مع مجموعة من الأصدقاء، وإحنا رايحين بيتنا في الطريق الصحراوي يوم السبت الصبح بندردش أنا وهو عن مستقبل سالم ابننا ويدرس في بلجيكا ونستقر معاه ونبيع كل حاجة في مصر فقلت له يا عالم مين يعيش، وبعدين دخلنا فيلتنا كان بياخد دش وبعدين لقيته بيقولي أنا مش قادر اخد نفسي وبعدين ساندته علي السرير وهو في حضني وفي 5 دقايق راح وأنا كنت منهارة وبصرخ فطلعولي اصحابي اللى كانوا معزومين في عيد الميلاد، والتشخيص جلطة مفاجئة في الشريان التاجي مبتتلحقش إلا بحقنة الأدرينالين في القلب خلال 10 دقايق وهو في الاساس مكنش بيعاني من حاجة".

القصة الكاملة لعرض مقتنيات الفنان عمر الشريف في مزاد علني بفرنسا
شارك في 200 فيلم وقام ببطولة فيلم واحد.. 11 عامًا على رحيل الفنان عمر الحريري
تنبأ حسين الإمام بوفاته
وأشارت:"في يوم من الأيام قال لي هاموت قبليكي ومرة تانية قاللي هاموت في عزومة وكأنه تنبأ بوفاته".