إبراهيم.. طالب جامعة المنصورة.. أول عربي يرسم بالنار والقهوة والموز

إبراهيم أبو مبارك.. شاب عمره 21 سنة، يدرس في السنة التالتة كلية اللغة العربية بجامعة المنصورة.
يقول عن نفسه: "أنا اكتشفت الموهبة وعمري 18 سنة.. كنت في تانية ثانوي في الوقت ده".
"بدايتي كنت مشتركا في جروب تانية ثانوي، وكان واحد ناشر رسم كارتون، فقررت ارسمها ولكن مطلعتش بنتيجة.. حاولت تاني طلعت بنتيجة مش أوي.
3 مرات رسمتها عجبتني جدا، قررت أرسم كتير عشان أقدر أطور رسمي".
"الخامات اللي رسمت بيها غير تقليدية زي الدم، وعلي الهدوم.. ومخلفات بري الأقلام، والأسلاك الملونة، الكركدية.
وأمارس النحت على سن قلم، والشاي والعسل.. وعلي الكرتون. العادي.. والبرتقال، والموز بالنار، وعلي الحبوب، وبالقهوة"..
"وعلى الحائط، بالإضافة الي رسوماتي برصاص والفحم واللوان الخشبيه وزيت وأكريلك والأدوات المتعارف عليها..
أنا محدش علمني الرسم.. أنا اتعلمت بالاستمرار وبس".


"أنا اتعلمت الرصاص الاول لان الرصاص اهم حاجه لكن بعد كده حبيت اكون مختلف.. أطلع فن جديد بفكرة جديدة، وأستخدم أي حاجة قدامي وطلع منها تحفة فنية بشكل بسيط".

"أهم المشاكل انا احبطت كتيرًا، لحد ما جه وقت إني ابطل الرسم فيه.. لكن بعد كده قلت لازم أخللي أي حد أحبطني أخليه هو اللي يطلب مني أرسمه بسبب تطور رسمي.. أنا برسم فرير هند، وأون لاين يعني مباشر، وبرسم كاريكاتير لايف في وقت اقل من 4/5 دقائق".

"الوقت بيكون على حسب كل رسمه والتفاصيل اللي فيها وكدة، لكن اكتر رسمه اخدت وقت أخدت 13 ساعة.. كانت رسمت احمد المنسي بالنار علي ورق.. أنا بعرض شغل ي كله علي مواقع التواصل الاجتماعي".
"آه طبعا.. شاركت في معرض الكتاب التاسع في المنصورة، الخامات المختلفه دي.. أنا حبيت اكون مختلف وفي نفس الوقت ان الرسم مش مواقف علي الامكانيات ابدًا.. يعني ان اقل حاجه قدامي ممكن اطلع منها تحفه فنية".
"بالنسبه للرسم بالنار انا اكتشفت ان الورق لما بيوصل لدرجه معينه من الحراره لونه بتغير فأنا استغليت الفكره دي ان اصنع قلم من اكتشافي انا وارسم بيه عشان اقدر اوجه النار علي المكان اللي انا محدده للرسمة"..
و"أصبحت الاول في الوطن العربي بيرسم بالنار واللهب علي الورق وتعمل لي معرض في المركز بتاعي خاص برسوماتي انا فقط".

لقبي رسام النار
"أكتر المشاكل انا بحب الانتقاد عشان بعرف مين حابب موهبتي ومين كارهها.. أنا باتعرض لانتقادات كتير اوي بس مش بشغل دماغي بشغل دماغي اللي جاي هيكون افضل بكتير.
والرسم بالنار دا من اكتشافي انا وقدرت اثبتها في أكاديمية البحث العلمي كا نموزج اولي للرسم بالنار علي الورق بشكل أولي".