حسن شاكوش يقلد حمو بيكا على الهواء.. وعمرو أديب: أنا من مدرسته | فيديو

قال الإعلامي عمرو أديب، خلال استضافته مطرب المهرجانات حسن شاكوش: "أنا بفكر بقالى مدة إن طبقتك يا شاكوش مبعرفش أجيبها لكن أنا شايف إني في مدرسة حمو بيكا".

رغبة عمرو أديب
وأضاف خلال برنامج "الحكاية" المذاع على قناة "إم بي سي مصر": "أنا مركز اليومين دول في الغناء وبسمع مزيكا أجنبي وقاعد ألطش ألحان وعايز أروح لساسو، فاخدني يا شاكوش للحتة دي".
تقليد حمو بيكا
وقلد حسن شاكوش، على الهواء، مؤدى المهرجانات حمو بيكا، من خلال غنائه أغنية "أشكرك أوعدك".
وعلق مؤدي المهرجانات حسن شاكوش على الاستقالة التي تقدم بها الفنان هاني شاكر نقيب المهن الموسيقية على الهواء، قائلًا: "أنا اتصدمت من قرار الفنان هاني شاكر لأنه قيمة وقامة للوطن العربي كله، وما كانش ينفع اللي حصل ده، بس كان فيه مشادات وكلام في المؤتمر الصحفي، وإحنا خسرنا الفنان هاني شاكر والوطن العربي كله بعد استقالته من منصب نقيب المهن الموسيقية".
وأضاف خلال لقائه ببرنامج "الحكاية"، المذاع على فضائية "إم بي سي مصر": "الفنان هاني شاكر قال لهم أعطوا الكارنية لحسن شاكوش وبعدين نبقى نعمل اجتماع يعتذر فيه للعازفين ودي كانت المشكلة واعتذرت لسعيد أرتست أكتر من مرة وقلت لهم اليوم أنا آسف وبعتذر لكم وهبدأ صفحة جديدة، والمشكلة في أن إزاي أخدت الكارنيه قبل اجتماع الاعتذار، لكن أنا كنت محتاج الكارنيه علشان معايا ناس بتاكل عيش وملتزم بحفلات وشغل".

مشكلة هاني شاكر
وأكمل: "الفنان هاني شاكر جاب آخره وفاض بيه، ولما مسك نقابة الموسيقيين ما بقاش مركز في الغناء، وكان الضغط كله عليه وشال حمل تقيل".

فترة إيقاف حسن شاكوش
ولفت: "اتوقفت 10 شهور وما حدش كان حاسس بيَّ، وكنت بروح فيهم الجيم وأتمرن وأسجل برضو بس النفسية كان زيرو، وبزعل لما حد أكل عيشه يتقطع".

أغان جديدة لحسن شاكوش
ولفت: "أنا عامل فوق ال25 أغنية ودويتو مع محمود الليثي زي "بنت الجيران"، وعامل مع طارق الشيخ أغنية".
حسن شاكوش عن استقالة هاني شاكر: جاب آخره ومبقاش مركز في الغناء
هاني شاكر: حمو بيكا كان زمانه في سجن طرة |فيديو
ومن جانبه داعب الإعلامي عمرو أديب مؤدي المهرجانات حسن شاكوش، قائلًا: "انت عامل مشاكل يا حسن.. أنت شغال ولا مش شغال موقوف أو مش موقوف".