عايش بذنبك.. شاهد عيان يروي تفاصيل جديدة في مقتل نيرة أشرف

عبر عبد الرحمن وليد، الطالب بآداب المنصورة قسم اللغة الفرنسية وزميل طالبة المنصورة المقتولة نيرة أشرف، عن حزنه الشديد وإحساسه بالذنب لفشله في إنقاذ نيرة من الذبح على يد زميلها محمد عادل، مؤكدًا أنه شاهد عيان على واقعة الذبح، وحاول إبعاد القاتل عن نيرة، لكن القاتل حاول أن يصيبه بالسكين فجري خوفًا منه.
عايش بذنب نيرة أشرف
وقال عبد الرحمن وليد إنه كان أول من شاهد حادث قتل نيرة أشرف على يد زميلها الطالب بكلية الآداب جامعة المنصورة، وأنه حاول إنقاذها، وعبر عن حزنه قائلًا: " انا الولد الي كنت واقف بتفرج زي م انتم بتقولوا"
وكتب عبد الرحمن وليد تغريدة على تويتر "انا اسف ي نيره وحياه ربنا حاولت اني الحقك حاولت اني ابعده عنك وربنا يشهد عليا اني كنت واقف مصدوم في حاله من الصدمه اول مره اشوف حاجه زي كدا في حياتي ايوه انا الولد الي كنت واقف في بتفرج زي م انتم بتقولوا دلوقتي بسبب الجزء التاني من الفيديو بس انا هقول كل حاجه ومش خايف.. يتبع"
غرقانة في دمها
وقال عبد الرحمن وليد "زي م قولت في النيابة وفي القسم وفي أمن الجامعه كل الي حصل بالظبط انا كان عليا امتحان وخارج من بوابه توشكي الكلام دا الساعه 11 وانا خارج وبعدي الطريق للناحيه التانية سمعت صوت صريخ جامد تلقائي جريت اشوف في ايه وكنت اول واحد يوصل وشوفت منظر عمره م هيروح من بالي القاتل م.ع..تبيع"
وتابع قائلًا: "ماسك نيره كانت واقعه علي الارض وغرقانه في دماها اول م وصلت كان ادها طعنتين في صدرها من فوق وانا وصلت وهو بيدها التانيه زقته ووقعته على الرصيف لكنه قام تاني وحاول انه يعورني بالسكينه الي معاه فانا غصب عني جريت كان هو نزل للمره التانيه وخبطت الطعنه التالت الي كانت في رقبته.. يتبع"
وأضاف "وبعد لحظات بسيطه نيره كانت فارقت الحياه حقك مش هيضيع ي بنتي والله وانا واقسم بالله لسه داخل بيتي من الصبح بس علشان اكون سبب من الاسباب ان يتعدم ان شاء الله ربنا يرحمك ويغفر لك ويصبر اهلك علي فراقك #اعدام_محمد_عادل_قاتل_توشكي"
حادث بشع
وقال عبد الرحمن وليد " الموت علينا حق وربنا هو الي بيختار مين يعيش ومين الي يموت ومين احسنله يكمل في الدنيا دي ومين احسنله يكمل في مكان احسن بكتير من هنا رحمه الله عليكي ي نيره ربنا يجعلك في منزله الشهداء ويرحمك وينتقم من كان السبب في موتك #اعدام_محمد_عادل_قاتل_توشكي"
الجدير بالذكر أن مدينة المنصورة شهدت حادث بشع هز مصر كلها، عندما قام طالب بجامعة المنصورة ويدعى محمد اسماعيل بذبح زميلته نيرة أشرف، الطالبة بكلية الأداب جامعة المنصورة.
بث مباشر | أداء صلاة الغائب على روح نيرة أشرف داخل جامعة المنصورة
أظهر شجاعة.. جامعة المنصورة تكرم فرد الأمن فى واقعة قتل نيرة أشرف|فيديو
وأكد شهود العيان أن الطالب تتبع زميلته عندما نزلت من ميكروباص المحلة متجهة لجامعة المنصورة لأداء امتحان نهاية العام، وقام بطعنها ثلاث طعنات وذبحها، ما أسفر عن مصرع نيرة في الحال.