"في ناس مش عاوزاني أنجح".. أورتيجا يكشف سبب اختفائه عن الساحة الفنية

كشف مؤدي المهرجانات أورتيجا سبب اختفائه عن الساحة الفنية خلال القترة الماضية بعدما قام أحد المتابعين لديه عبر موقع "فيس بوك" بتوجيه سؤالا له قائلا:" انت اختفيت مرة واحدة بعد ما كنت نمرة واحد في المهرجان أيه اللي حصل".
ورد أورتيجا علي سؤال المتابع قائلا: "اللي بيحصل يا صحبي إن في ناس مش عاوزاني أنجح بس ربنا معانا هما مش فاهمين ده وبعدين طول ما انتم معايا بعد ربنا هنجح مش بحد تاني".
أورتيجا
الهجوم علي أورتيجا
وفي وقت سابق تعرض مؤدي المهرجانات أورتيجا لهجوم وسخرية من رواد مواقع التواصل الاجتماعي، بعدما شارك متابعيه بصورة جديدة له على حسابه الشخصي عبر موقع التواصل الاجتماعي "فيس بوك" مصحوبة بتعليق "اعرق تنجح".
وانهالت التعليقات السلبية على أورتيجا من قبل بعض المتابعين لديه، وهو الأمر الذي تفاجأ به، وجعله يرد بكتابة منشور طويل.
وقال: "المشكلة إن أنتو بتتريقوا وبتقفوا على أي حاجة خد الكلمة زي ما تاخدها بس لو فكرت فيها من غير ما هتفهم بس أنت مش مدي مساحة حتى تفهم داخل تتريق علشان كده صدقوني بتحبطو نفسكم وطاقة سلبية فعمرك ما هتعمل حاجة في حياتك غير إنك تتريق على أي حاجة اللي واقف قدامك العبد لله ده مش هقولك بقى جايبها من تحت وشوفت لأن كلنا كده العرق في تفكيرك وتجتهد".
وتابع: "وتنفذ اللي أنت بتفكر له ويكون عندك يقين وإيمان بالحاجة دي وشوف ربنا هيعمل معاك إيه وأنا مسامح أي حد بيشتم أو بيتريق هو بيشتم نفسه، وبيتريق على نفسه أصلًا بس ليك يوم ربنا هيشاور عليك وهتنجح بس مقابل إنك تعرق وتشتغل على نفسك هتشوف النجاح وعلى فكرة سيبك من الشهرة فاكس النجاح اللي طعمه حلو لما تدوقه هتفهم مش أكتر ادي نفسك فرصة في نفسك ركز مع نفسك مش مع غيرك هتشوف الفرق صدقني".
وطرح مطرب المهرجانات أورتيجا مؤخرا أغنية جديدة تحمل اسم "فرعون" على طريقة الفيديو كليب، عبر قناته الرسمية على موقع الفيديوهات الشهير "يوتيوب" بعد انفصاله عن صديقه مطرب المهرجانات أوكا.