دنيا سمير غانم توجه رسالة ل رشوان توفيق بعد أزمته مع ابنته

وجهت الفنانة دنيا سمير غانم رسالة مؤثرة إلى الفنان القدير رشوان توفيق من خلال حسابها على موقع تبادل الصور والفيديوهات "إنستجرام"، وذلك بعد أزمته مع ابنته الصغرى والتي رفعت "دعوى حجر" على أبيها.
وقالت "دنيا": "أنا مش هنسي أن مامي في عز تعبها ومرضها قالتلي "كلمي الحاج رشوان قوليله يدعيلنا انا وبابي" وانا كلمت حضرتك وكنت بعيط غصب عني وانا بطلب منك تدعيلهم وحضرتك كنت في منتهي الحنية والطيبة.. أنا بس عايزة أقول لحضرتك إن زعلك مايهونش علينا أبدا وان كلنا ولادك وبنحبك".
View this post on Instagram
A post shared by Donia Samir Ghanem (@donia.samir.ghanem)

ابنة رشوان توفيق ترفع دعوى حجر عليه
وأكد الفنان رشوان توفيق خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "بنتي آية هي وجوزها وابنها رفعوا عليا قضية حجر رغم إني اديتهم حياتي كلها، واللي بيحصل ده هسيبه للقانون يعني، أنا أثق في عدالة القانون لأني أنا مقصرتش مع حد، وبعد عمري ده كله لا أملك إلا تليفونًا محمولًا، وفضل الله عليَّ سبحانه وتعالى هو أن يخرجني من الدنيا آمنًا".
توزيع تركة رشوان توفيق
وأضاف: "وزعت تركتي كلها على زوجتي رحمها الله وأولادي، وأتذكر أنني مريت بالكثير من الظروف الصعبة وكانت مراتي تبقى نايمة جانبي وأبص لها وأقولها إنتى فولاذ ومتقوليش ولا تشتكي من ظروفي الصعبة، وأقسم بالله خلال 62 سنة لم تقل لي زوجتي ولو لمرة واحدة بكرة هنعمل إيه رغم الظروف الصعبة اللي مريت بها".
حب رشوان توفيق لزوجته الراحلة
وقال: "كنت بحب أفرَّح مراتي وأجيب العربية باسمها وكل شيء باسمها علشان أسعدها، وهبة رشوان بنتي تقولي ماشفتش راجل حب مراته وهي عايشة وميتة زي رشوان توفيق".
وأكدت هبة رشوان توفيق: "كان رشوان توفيق على يقين أنه هيتوفى قبل أمي علشان كده كل حاجة كتبها باسمها وباسمنا".
رشوان توفيق يوجه رسالة لابنته آية
ووجَّه رشوان توفيق رسالة مؤثرة لابنته آية التي أقامت دعوى قضائية بالحجر عليه، قائلًا: "حياتي فيها تجارِب قاسية جدًّا وأقسى تجرِبة اللي عشتها دلوقتي، وفي البيت باقعد أكلم نفسي إزاي أعطيت بلا حساب وبعدين يحصل معاك كده، أنا بقيت المقتول الحي، بس أنا سايبها لربنا وللقضاء وأثق في القضاء العادل، وبإذن الله كل مَن خطط ضدي سيرد كيده في نحره".
وعلق الإعلامي عمرو الليثي: "اللي ملهوش خير في رشوان توفيق ملهوش خير في حد، وكما تدين تدان"، ليعلق رشوان توفيق: "أنا بحب ولادي كلهم".