شيرين رضا عن خطوبة ابنتها نور: خليها تجرب وأنا مش ضد جوازها

علقت الفنانة شيرين رضا، على خطبة ابنتها نور عمرو دياب وظهورها المفاجئ على السوشيال ميديا.
شيرين رضا عن قبلة خالد النبوي: القبلات والأحضان لازم تتوظف صح
شيرين رضا تداعب منة شلبي.. والأخيرة: بتعاكسيني
ظهور نور عمرو دياب
وقالت شيرين رضا خلال لقائه ببرنامج "كلمة أخيرة" الذي تقدمه الإعلامية لميس الحديدي بقناة "أون إي":"لست ضد ظهور ابنتي نور عمرو دياب علي السوشيال ميديا وأحببت ظهورها، وأتمنى تكون سعيدة وفي البداية كان حسابها خاص به 500 صديق لا أحد يعرفهم، ثم أخبرتني أنه ستقوم بتحويل نفس الحساب إلى عام ولم أكن أفهم ما الذي ستفعله، ولكنها سعيدة بما تقوم به، وهي بسيطة في حياتها ولا تحب ارتداء الماركات ولا تتباهى بحاجة، وتعمل كبلوجر".

خطوبة زواج نور عمرو دياب
وأضافت: "سعيدة بخطوبتها طول ما هي سعيدة والناس كانت فهماني غلط إن ضد جوازها ولكن انا ضد الجواز لنفسي، ولو هي عايزة تمر بالتجربة من حقها، وهي نفسها شافت تجربتين الجواز بتوعي، وهي اتخطبت وهنشوف تجربتها وهتتجوز ولا لأ، وهي بقت اجنبية لأنها بقالها 10 سنين عايشة برة مصر وبعدت عن كل الناس اللى في سنها علشان كده صعب تتجوز واحد مصري، هي وحشاني ونفسي تبقي جنبي على طول ولكن هتكسب ايه أنا خلاص سني يسمح إني أقعد في البيت".

رأي شيرين رضا في مشاهد القبلات والأحضان
وأشارت خلال نفس اللقاء "القبلات والأحضان لو متوظفة صح في مشاهد السينما هتبقى مظبوطة، وأنا لست ضد المشاهد الساخنة طالما متوظفة صح".

رسالة شيرين رضا لرافضي مشاهد الإغراء والقبلات
وعن الفنانين الذين يرفضون القبلات والمشاهد الساخنة في الأفلام، علقت شيرين رضا: "طب ليه بيشتغلوا في الفن ممكن يشتغلوا في الراديو، والراديو مش لازم يمسكوا حد، ومصطلح السينما النظيفة دي شتيمة لأنه بيشتمنا كلنا يعني اللي ما يعملش غير كده يبقى قاصده إننا مبتذلين أو سمعتنا وحشة، السينما تبين الواقع وحياتنا كبني آدمين، ومش بنعمل حياة البقرة، والست لما بتشوف ابنها اللي بقالها 20 سنة ما شفتهوش ينفع تسلم عليه بس ده خطأ".

وكانت أجرت الإعلامية ريم ميلاد حوارا مع النجمة شيرين رضا ببرنامج "Et بالعربي" بعد إعلان ابنتها نور عمرو دياب خطبتها، وعلقت شيرين رضا على الخطوبة وقالت: "باركت لنور على الخطوبة بس ما باركتلهاش على السوشيال ميديا ودي بنتي بنتكلم أنا وهي في اليوم 50 ألف مرة وبحب أن كلامي معاها يبقى برايفت بيننا".

ووجهت شيرين رضا رسالة لنور عبر البرنامج السعودي et بالعربي ونصحتها أن تكون سعيد وقالت: "أحب أقول لها تنبسط ومتسمعش كلام الناس السخيفة اللي بتحط تعليقات سخيفة من ناس ما تعرفناش ومعرفش إحنا مين ولا بنتكلم إزاي فتركز في حياتها ومتركزش مع الناس ويارب حياتها تبقى سعيدة".