منى زكي: يوم فرحي مكنتش طايقة نفسي.. ولهذا السبب قطعت صور حفل الزفاف | فيديو

كشفت الفنانة منى زكي، أنها قضت شهر العسل خلال تصوير فيلم "مافيا" مع الفنان أحمد السقا، لافتة إلى أنها فشلت في تحضيرات حفل زفافها بسبب تصوير الفيلم.

أزمة فرح منى زكي وأحمد حلمي
وأضافت منى زكي خلال الجزء الثاني من لقائها ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "أحمد حلمي قال لي اقعدي ما تدخليش في تحضيرات الفرح لأني كنت بصرخ ومنفعلة الفترة دي، وجيت بعمل أكشن في فيلم مافيا إيدي كانت زرقا ومتبهدلة وتعبانة ويوم الفرح بقعت الفستان قبل ما انزل للناس، وشعري مكنش عاجبني ومعرفناش نظبطه وحد دخل لعب في الميك اب بتاعي قبل لما أنزل ودي كانت حد من أصحابي فنازلة بطلع نار من كل حتة ومش طايقة نفسي يوم الفرح".

فرح أحمد حلمي ومنى زكي بمناسبة مرور 20 سنة زواج
وتابعت: "يعتبر ما عملتش فرح، وأحمد حلمي جاء معايا نقضي شهر العسل واحنا بنصور فيلم مافيا".
وأضافت: "قطعت صور فرحي لأني شكلي ما كانش عاجبني..وكنت غريبة جدًّا وما حبتش شكلي في الفرح خالص وبقعد أقول لأحمد حلمي لما نتم 20 سنة جواز لازم نعمل فرح وهكمل 20 سنة جواز وده إنجاز بالنسبة لجيلي لأنهم ما بيكملوش وبشوف إن ده إنجاز".

حوار منى زكي مع إسعاد يونس
وتطرق حوار الفنانة منى زكي مع الإعلامية إسعاد يونس في برنامج صاحبة السعادة للعديد من الأمور والقضايا، والتي كان من أهمها أن شخصية "هنا التي قدمتها خلال أحداث مسلسل "لعبة نيوتن" الذي عُرض خلال موسم دراما رمضان الماضي، لم تكن "غبية" بل أرادت أن تثبت ذكاءها وقوتها.
وكشفت كواليس العمل مع الفنان الراحل أحمد زكي، والعمل أمامه في فيلمي "أيام السادات" و"حليم"، كذلك العمل مع الفنان أحمد السقا في "أفريكانو"، مشيرة إلى أنها فهمت أن شخصيتها في هذا الفيلم ستكون "حاجة هتلمس قلب الناس".

كما تطرقت منى زكي، في حوارها إلى زواجها من الفنان أحمد حلمي، وكواليس التعارف بينهما قبل الزواج، كما أشارت إلى أن تربية الصبيان أصعب كثيرًا من تربية البنات، قائلة: "كانوا بيحاولوا يولعوا في البيت من كام يوم".

وحلت الفنانة منى زكي ضيفة على برنامج "صاحبة السعادة" للإعلامية والفنانة إسعاد يونس، المذاع على قناة Dmc، وتحدثت خلال الحلقة عن قصة حب وزواجها من أحمد حلمي.

وقالت: "كنت في مرة في مكتب المنتج محمد فوزي، وكنا هنعمل مسرحية بطولة عامر منيب، وقالي إن في دور عنده بيفكر يجيب فيه أحمد حلمي وكان وقتها بيعمل برنامج لعب عيال وأنا كنت بتابع البرنامج ده بس مكنتش عارفة وشه لأنه بيظهر بضهره".

وأضافت: "قلت للمنتج محمد فوزي يا ريت ده حد لذيذ أوي وأنا بيني وبين نفسي عاوزة أشوف وشه، ولما جه المكتب سلِّم بطريقة غريبة كده وبعدين جاله تليفون وأنا ومحمد فوزي دخلنا البلكونة بنتكلم وقلتله لا ده طلع رخم أوي ومش لذيذ زي البرنامج، وقلتله جربه أنا مش عارفة، ووقتها كنت بقول عليه أنه رخم أوي على الحقيقة".

وتابعت منى زكي: "بدأنا بروفات وبدأت أشوفه لذيذ، وهو تقريبًا حس أني همشي من المسرحية وكنت فعلًا وقتها هعتذر، وقال ناخد أرقام بعض، وبقينا بنتكلم في التليفون وبقينا أصحاب جدًا وعرَّفته كمان على أصحابي المقربين".

واستطردت: "هو حاول كتير يلفت نظري في أكتر من موقف ولكن أنا ولا أي حاجة بتتهز جوايا، يمكن لأن حب والدي الرهيب واهتمامه بيا والعطاء اللي عمله ليا خلاني مش أي حركة شاب يعملها أنه يأثر فيا لأني واخدة حب كبير أوي من والدي".

وأضافت منى زكي: "في مرة سألني عيد ميلادي امتى وسألته ليه فقال لي عادي فقلت له فقال لي إيه ده وأنا كمان نفس يوم 18 نوفمبر، وأنا بيني وبين نفسي إيه الجو القديم ده وقلت يا سم ما كنتش مصدقاه، بس طلع صادق فعلًا وطلع نفس يوم ميلادي، وقالي بحبك وسبته وروحت مع أصحابي، ولما سافرت فضل الموضوع في بالي".