القصة الكاملة لأزمة تامر عاشور مع الطفلة المريضة بالسرطان

طرح الفنان تامر عاشور منذ يومين فيديو كليب بعنوان "نعيش مع بعض" لصالح إحدى المستشفيات الخيرية، على قناته الرسمية عبر موقع "يوتيوب".
ونشر تامر صورة من كواليس الفيديو كليب برفقة طفلة مريضة "بالسرطان"، على حسابه الشخصي عبر موقع "فيس بوك".
وظهر "عاشور" في الصورة وهو جالس أمام الطفلة ويعطيها "برتقالة". معلقا :" خودي دي لا انا صايم يا فاطرة بحبك".
هذا التعليق اغضب الكثير من رواد موقع التواصل الاجتماعي "فيس بوك" خلال الساعات القليلة الماضية لأن الطفلة التي ظهرت مع تامر عاشور مريضة "بالسرطان" ، وانتشرت الصورة خلال الساعات القليلة الماضية مصحوبة بتعليقات مسيئة للفنان تامر عاشور.
ومنً أبرز التعليقات: " انت برج ايه اكيد برج السرطان ، خودي يا حبيبتي يمكن دي آخر حاجة تاكليها".
أول رد من تامر عاشور على الانتقادات التي طالته
ورد الفنان تامر عاشور علي الانتقادات التي طالته بسبب صورة الطفلة المريضة بالسرطان وكتب عبر موقع "فيس بوك": "صباح الخير - انا طول حياتي ومشواري عمري ما اتريقت على حد سليم علشان اتريق على مريض حاش لله - واللي اخد كلامي تريقه على مريض نفوسهم ضعيفه وهم اللي مرضى بيفرقوا بين المريض والشخص الطبيعي.
لو نزلت صورتي مع اي طفل " اللي هو غير مُكلف بالصيام " وقولتله باي طريقه "متشربش مياه قدامي يا فاطر " او "خد دي يا فاطر انا صايم " حد هيتكلم ؟ مستحيل علشان طفل طبيعي. لكن المريض لا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملاتنا -
المرض الحقيقي هو التفرقه بين اطفالنا اللي بصحه جيدة ربنا يديهم كل الصحه واطفالنا اللي ربنا اختارهم للمرض.
وتابع "تامر":" المرض الحقيقي هو ان فكرة " المعايرة " جاتلك قبل 100 فكرة تانية ممكن تجيلك من جمال البنت وضحكها وبهجة الصورة، وللأسف شوفت كمان حاجة غريبة جدا. ناس كتير قوي محسوبين على "هامش هامش هامش المجال الفني " عمرهم ما شافو مني حاجه وحشه غير اني مباديهمش مواعيد لاقيتلهم تعليقات كأنهم ما صدقوا لاقولي غلطه وانصحهم "العمر بيجري حاولو تعملو حاجه لنفسكم أولى". البنت اللي في الصوره فضلت في حضني طول تصوير الاعلان وبحبها جدا جدا. ومتفقين انا وهي على حاجات كتير قوي قوي هنعملها.
وفي سياق آخر غنى المطرب تامر عاشور تتر مسلسل "ولاد ناس" باستديو الصوت الخاص بالموزع الموسيقي الكبير طارق مدكور.
ومسلسل "ولاد ناس" من إنتاج "سكوير ميديا" للمنتجين منى قطب وإبراهيم حمودة، وتأليف وإخراج هاني كمال، وبطولة نخبة من النجوم، أبرزهم أحمد وفيق، رانيا فريد شوقي، صبري فواز، بيومي فؤاد، إيهاب فهمي، لقاء سويدان، أحمد صيام، صفاء الطوخي، وآخرين.