أبين زين يكشف الودع للمصريين عن الخاينين

أبين زين.. واقول على المستخبي واللي مش معروف.. وأضرب في ودعي.. وتمللي بادعي.. والمستخبي بأفوله ع المكشوف.
كلنا واقفين ياريس في الميدان.. جيش وشرطة وشعب جاهز في اتزان.. كلنا عارفين طريقنا للأمان.. وأنت قائد جيش وعارف إحنا رايحين فين كمان.. نرفع الأعلام ونهتف مصر فوق تخطيط أوروبي وأمريكان.. نفسهم يشوفونا وسط عراك معارك وامتهان..
بس مصر الحرة غالية من زمان.. جيشها في أول صفوفها له إرادة وصولجان.. واسألوا لويس يحكي عن أسره بالمنصورة في وسط الميدان.. درس للأجيال بيحكي شعب مصر ماعمره لان.. مستحيل ينسي اللي باعه واللي خان..
واللي بيحطم قلاعنا بنعصره يا أردوغان.. تركيا حافظين تاريخها مع الخديوي فوق الحصان.. أنت ناسي واللا أقول لك مين سقط في الامتحان.. مصر جيشها رد قال لك عُمره أبدا ما استهان.. مصر شرطة وجيش في وحدة ضد مكر الأُلعبان.. الشباب المصري صاحي ضد مكر التركمان.. والشباب مسلم مسيحي صف واحد في رهان.. إن مصر تعيش أبيّة مش ضحية للحيتان..
نفسي كل الخلق تعرف مصر للخائن لُومان.. واسمعوا آخر نصيحة يا اللي قالبين الميزان.. التاريخ بيقول يا خونة ارجعوا للاتزان.. هل فهمتم ما نقوله وللا يعني نقول كمان.