بالفيديو.. قصيدة "أنا مش حيوان".. للشاعر أحمد حجاب

استضافت "فيتو"، الشاعر أحمد حجاب، في أمسية شعرية خاصة، ضمت مجموعة من الشعراء منها الشاعر أمين الديب، الشاعر حسين السوهاجى عضوى اتحاد الكتاب، وألقى كل منهم قصيدة خاصة تعبر عن الوضع السياسي والثقافي الذي نعيشه.
وقدم الشاعر أحمد حجاب قصيدة "أنا مش حيوان" ويقول:
-أنا دم فقير ملقاش اللقمة
-قام فذ و هاج
-أنا صرخة جسم حضن السقعة
-و أتدفى بغاز
-أنا صوت سواق م الزحمة بيشكى
-مش لاقى الجاز
-أنا أهه بيت مخنوق
-من أزمة أنبوبة بوتجاز !!!
-أنا وصل النور
-و رغيف بطابور
-و أمل مكسور ف عيون الناس
-و سؤال بحماس
-بتحدف ناس برصاص ازاى ؟
-و القصر ازاز ؟
-عمال بتنادى بالاسلام
-جوا البرواز
-عمال بتهين
-و تهين
-و تهين
-أسفين !!
-أسفين لسكوت خلاك أستاذ !
-ونظام ملعون اسمه الإخوان
-أنا مش حيوان.... !