مرسى -الشهير بالريس- فى المزرعة السعيدة!

دائما ما تحتل أجندة زيارات مرسي أعيادا لا تعلمها إلا الرئاسة، وربما تبتكرها أحيانا، كان آخرها عيد "الحصاد" الذي احتفلت به الرئاسة وسط الحقول، ولاقت صور مرسي خلف المنصة، وحوله القمح، الكثير من التعليقات، فماذا كانت أبرز التعليقات؟
أبو نسمة الأسطورة: مرسي بيحتفل بعيد الحصاد، ومن يومين احتفل بعيد العمال وعيد المعلم والفلاح والعلم وعيد الكاتشب وعيد ميلاد سيد معوض.. بس معايدة الأقباط برضو حرام..
محمد وحيد: الريس سنبلة..
باسم قناوي: الرئيس مرسى يلقى خطبة اليوم من المزرعة السعيدة..
محمد نعمان: مرسى هيعمل اكتفاء ذاتي من القمح.. بس في المزرعة السعيدة..
محمد النمر: وما ذنب الحقل؟..
كريم يونس: يعني هو واخد البتاعة دي من القاهرة لحد برج العرب علشان يقف وراها .. دا راجل فاضي.. دا القذافي معملهاش يا مرسي..
حسين سالم: فين بأه مركبة الفضاء اللى نزلت الكائنات دى ع الأرض؟..
أحمد حطب: واحد رايح يحتفل بالقمح فى قرية اسمها بنجر 15.. طيب حضرتك ممكن تنزل منيا القمح إمتى.. فى عيد الهالوين مثلا.. و لا الأهل والعشيرة مش مسيطرين هناك ولا إيه؟..
حسين سالم: مرسى في الناسا.. مرسى في الجامع.. مرسى بالطربوش.. مرسى والصباع.. وحاليا مرسى فى the X Men..
بهجت القشاوي: بيقول لك مرة خيرت الشاطر اجتمع بالوزراء وزعق فيهم: إزاي مفيش ولا وزير شغال إلا باسم عودة.. بيعمل زيارات للمخابز كل يوم.. قام وزير الصحة قال له: من هنا ورايح أوعدك يا ريس هتشوف الشغل اللي بجد.. تاني يوم عنوان الأهرام: "وزير الصحة يقوم بجولة مفاجئة على مخابز القاهرة"!..
عصام الهواري: مصر ولادة يا بني... بس دلوقتي بقت تبيض!!..