تركي آل الشيخ يحكي حدوتة لاعب طلب «10 جنيه»

سرد المستشار تركي آل الشيخ، مالك نادي بيراميدز، حكاية حول أحد اللاعبين طلب 10 جنيهات؛ من أجل تجديد عقده مع ناديه.
وقال تركي آل الشيخ، عبر حسابه الشخصي على موقع التواصل الاجتماعي «فيس بوك»: «هاحكيلكو حدوتة صغيرة.. نجم فريق كرة قدم كان سعيد وبيسعد جمهور فريقه انتهى عقده وطلب 10 جنيه راتب عشان يجدد لإن ده آخر عقد ليه وهو لاعب دولي كبير وعاوز يأمن مستقبله يتقال له لا لأن عندنا سقف للرواتب فيروح يدور على مستقبله فيقولوله بمساعدة صديق ( مش أنا ) ارجع احنا موافقين ويطلعوه بعد ما يمضي بساعات ويقولوله رجعنا بكلامنا».
وأضاف في سرد «الحدوتة»: «ويروح وتلف الدنيا وبعدها بشهور يروحو جايبين لاعب مش في المنتخب ويدوله راتب 15 جنيه ولاعب تاني برضو مش في المنتخب وليه سنه على الدكة ويدوله في 6 شهور 20 جنيه يبقى دي مش إدارة أو سيستم ده بيزرعو فجل ( طبعا أنا بقصد واحد ) وتلف الدنيا ويرجع اللاعب اللي كان بيسعد جمهوره ويهزمهم مرتين.. ربنا كبير.. اه افتكرت كان خايف اني اخذ منه اللقطة.. سبت ليك اللقطة بس طلعت بدون ألوان.. وعجبي».
يذكر أن بيراميدز فاز على الأهلي بهدف دون رد ضمن منافسات بطولة الدوري.