شباب "فيس بوك" يرشحون الزمالك لصد هجوم الإرهابيين

خطف المجندين في سيناء أثار حفيظة شباب فيس بوك لما يمثله من مساس بهيبة الدولة، الشباب رشحوا الزمالك لصد هجمات الإرهابيين، وقالوا إن وزير الداخلية سيواجه تلك المشكلة بلعبة "ميدل أوف أونر" الإلكترونية، فيتو كافيه رصدت تعليقات الشباب:
كريم الشريف: ولما حد يقوك تعالى أوديك لبابا ولا يقولك تعالى هجيبلك حاجة حلوة ما تسمعش الكلام.. تدريب الشرطة الجديد ضد الاختطاف
الشنير: يا جدعان زمان كان السبعة بيتقتلوا دلوقتي بقو يتخطفوا بس.. في تقدم ملحوظ يا اخوانا
مخموخ: لما السلفية الجهادية تخطف جنود في هجومين منفصلين... مين بقي اللي المفروض يصد هجوم الجماعات الإرهابية؟ نادي الزمالك؟
محمد رياض: يا جماعة ال 7 اللي اتخطفوا بخير وهيطلعوا النهاردة على نجوم إف إم في أجمد 7 الساعة 7
ياسر الشرباصي: سمعنا عن سرقة وتثبيت على الطريق وسرقة عربيات وسرقتها من تحت البيت، سطو مسلح على المحلات في عز الظهر خطف بنات خطف شنط ستات تثبيت وسرقة عربية مساعد وزير الداخلية... لكن خطف جنود؟؟؟ كدة كتير
مخموخ: البرادعي المعارض معظم نشاطه على تويتر... ورئيس وزراء بيلعب السنافر.. ومرسي بيبل صباعه وهو بيقلب الآيباد.. والشباب بتعمل مظاهرات إلكترونية على الفيس بوك. أنا خايف وزير الداخلية يتقفش وهو بيلعب ميدل أوف أونر.