status&tweets

منار مهدى: مرسى لا يمثل مصر.. مرسى بيمثل على مصر..
إبراهيم الجارحى: الشيخ اللى قال إن الاحتفال بشم النسيم أصلا إسكندرانى، قال الفتوى دى علشان زهقان من سكان القاهرة اللى بيجوا يحتفلوا فى إسكندرية فى اليوم ده..
شيرين عمر: يعنى الإخوان خط أحمر والريس خط أحمر والمرشد خط أحمر والثورة خط فودافون..
حبيبة السلمى: «حزب النور»: «الحرية والعدالة» أصبح « الوطنى الجديد» وسنقود المعارضة ضد «الاخوان»!!..
ناجى أبو غالب: اقترح تبادل الأرض والأسرى مع إسرائيل.. يدولنا القدس وياخدوا قطر والإخوان..
وحيد الأعصر: وعلى رأى المثل، القرعة بتتباهى بشعر بنت أختها.. ومصر بتتباهى بحضارة الفراعنة.
باسم عبد الرحمن: فاكرين إعلانات اريال لما المذيع كان يروح للناس فى البيوت يقولهم : إريااال إرياااال، والناس تقول وهى مش فاهمة: أووه أووه؟ أهو المذيع دا المرشد والناس دى الإخوان..
نوال عيسى: ناقشه يقول لك «بس وزير التموين كويس».. ميعرفش يجاوب.. يقول لك «مبارك السبب».. لما يتزنق يقول لك يا كافر يا عدو الله..
وليد رأفت: الواحد بقاله حوالى سنتين مش راضى يشغل أغنية «الضمير العربى» عشان بتتعبنى فتحتها ولقيت العزبى بيقول «أرض العرب للعرب كل العرب إخوان» الله يخرب بيتك يا عزبى.. حتى أنت..
محمد عصام: ظاهرة فلكية تستحق التأمل والتحليل: مرسى زار ألمانيا ومع ذلك تأهل فريقان ألمانيان لنهائى أوروبا!!..
نور العراقى: اللى بيحصل مع الأهلى وبرشلونة هو النتاج الطبيعى لما تحط فرق محترمة فى إيد مدربين فى اللابوريا..
مى عبد العزيز: لا.. ده عشان شبهوا ميسى بمرسى ومن بعدها البرسا نازل خسارة..
فادى سمير: والضمير المصرى اللى مات دا..مش هايتحسب من شهداء الثورة؟..
منال حافظ: بس هو ميت من قبل الثورة.. إنما روحه ما طلعتش إلا بعدها..
مصطفى حسين: يا عمنا ما ماتش.. دا عامل نفسه ميت عشان يصرف التعويض..
مريم نبيل: أنا من الجيل اللى الخوخ فيه كان من فصيلة الفواكه مش الخضراوات..
طارق العدوي: اللى بنى مصر واضح أنها كانت أول حاجة يبنيها.. وآخر حاجة..
مدحت شكرى: اللى بنى مصر كان فى الأصل مخدش بقية حقه..علشان كده ربنا مش مباركلنا فيها..
رامى محمود: اللى بنى مصر المعلم إداله حسابه وميل على إيده باسها، وقال له وهو بيدمع: اوعدنى أنك مش هتبنى حاجة تاني..