"محاولة اغتيال هشام قنديل" هشتاج نشطاء تويتر.. إكرامى: رسالة للرئيس.. عبد العزيز: محاولة لحرمان الرجل من جنى ثمار جهده.. حنان: بيحاول يخطف الأضواء.. عبير: فيلم هندى.. الباز: باضتلك فى القفص واتشهرت

أثارت محاولة اغتيال الدكتور هشام قنديل أمس ردود أفعال مختلفة لدى نشطاء تويتر، فالبعض استنكر المحاولة وأرجعها للتغطية على إنجازات رئيس الوزراء قنديل، فى حين أكد آخرون أنها مجرد قصة مختلقة للشهرة، وقام النشطاء بتدشين هاشتاج "محاولة اغتيال هشام قنديل" الذى حوى وجهتى النظر فى هشام قنديل..
قال دكتور إكرامى: "محاولة اغتيال هشام قنديل دى رسالة للرئيس وأعتقد رد الرسالة حيكون قاسى جدا".
عبد العزيز الكاشف: "شوية عيال ريحين يتخانقوا من منطقة فيصل مع ناس من مصر القديمة حظهم الردئ أنهم دخلوا فى موكب رئيس الوزراء ملخص قصة محاولة اغتيال هشام قنديل محاولة إزاحته ثم محاولة قتله هى محاولات لحرمان الرجل من جنى ثمار جهدة الذى ينكره الإعلام المضلل".
هشام حمدى: "ها...؟ نظرية إن الإخوان هم اللى وارء محاولة اغتيال هشام قنديل ظهرت ولا لسة؟ محاولة اغتيال هشام قنديل".
أحمد أمين: "على العموم كويس القبض عليهم المهم من وراءهم ومن حرضهم؟ لا بد من كشف للحقائق محاولة اغتيال هشام قنديل".
حسام أبو النيل: "محاولة اغتيال هشام قنديل اللى حاول يغتاله كان يقدر يعمل كده أيام مبارك".
على محمد: "محاولة اغتيال هشام قنديل ماهى لازم تفشل.. عايزينه تنجح تجيبوا ناس محترفة.. بس التمثيلة مش قد كده على فكرة".
وقال AMayestro: "محاولة اغتيال هشام قنديل.. طب محصلش تحرش أو هتك عرض؟؟ ولا هو كان لابس قطن؟؟"
وقالت دينا خورشيد: "يعنى معرفوش حتى يصيبوا ولو بخرطوشة! محاولة اغتيال هشام قنديل".
أحمد ماهر: "محاولة اغتيال هشام قنديل محاولة اغتيال ماشى لواحد إخوانى ممكن بس هشام قنديل وسعت منكوا دى".
حنان كمال: "محاولة اغتيال هشام قنديل بيحاول يخطف الأضواء من الفسيخ فى يوم عيده".
وقالت hena: "فشل ذريع للدولة العميقة.. جابوا آخرهم كده!! محاولة اغتيال هشام قنديل".
شيخ فلتان: "محاولة اغتيال هشام قنديل بمسدسات ميه.. على إيه يا حسرة".
نور الحياة: "خناقة سنافر وإحنا مالنا؟؟ محاولة اغتيال هشام قنديل"
عبير: "محاولة اغتيال هشام قنديل فيلم هندى".
عبد الله حاتم: "محاولة اغتيال هشام قنديل هههه إيه؟ عايزين يعرفونا إن هو شخصية مهمه يعنى ولا إيه ده (ملك الرضاعة ) هههههه"
وقال nasgamdin: "يعنى مش كفاية إنه فاشل؟ وكمان محاولة اغتيال فاشلة!! صحيح يا إخوان الفاشلون للفاشلات محاولة اغتيال هشام قنديل".
سامح عيدروس: "الإخوان الخونة محاولة اغتيال هشام قنديل".
أحمد الأكرت: "محاولة اغتيال هشام قنديل حتى فى الاغتيالات فاشلين!! بصراحة الشغلانة دى لمت قوى!".
علاء الباز: "محاولة اغتيال هشام قنديل والله وباضتلك فى القفص يا قنديل واتشهرت".
ريمون ماهر: "محاولة اغتيال هشام قنديل مش بعيد برده يكون هو اللى عمل محاولة الاغتيال الفاشلة دى عشان يكسب شعبية، بس أنا أحب أقولك يا قنديل إنك بتحلم".
وقال محمد فن: "محاولة اغتيال هشام قنديل هيطلعلى مبرراتى الوقتى يقولك هو لو رئيس الوزراء فاشل كانوا حاولوا اغتالوه الإجابة: فاشل وابن 60... ارتحت؟".