الضحك على حساب الرئيس

} "اللى يشوف مرسى وهو بيتكلم..ماينتخبش شفيق .. لااااااا..ده يترمى فى حضن مبارك ويعيط" .. بهذا التعليق بدأ حمدي صادق كلامه عن مرشح جماعة الإخوان المسلمين الدكتور محمد مرسي رغم أن حمدي من أنصاره إلا أن الكثير من أنصار مرسي طالبوه بعدم الظهور مجددا في وسائل الإعلام حيث إنه يتحول بعد كل لقاء إلي مادة خصبة للسخرية على مواقع التواصل الاجتماعي التي باتت ساحة حرب بين أنصار, كل منهما, ومن أهم التعليقات التي انتقدت الدكتور محمد مرسي:
أحمد شلبي: علي فكرة أنت مش محتاج انك تقنعني أن شفيق مرشح الفلول..أنت محتاج سنين عشان تقدر تقنعني أن مرسي مرشح الثورة .
سهير عاطف: مفيش واحده أمريكية جدعه تقول مرسي دا ابني.
ماهر عبد الخالق: البلتاجي: لو نجح مرسي سأنضم لصفوف المعارضة .. يا خبر أسود حتي المعارضة مش هتسيبوها لنا.
أحمد المصري: أنا مش استبن ومليش لازمة أنا رئيس وعندي كارزمة :)
هانج أوفر: إلي جماعة الإخوان المسلمين ارحموا الناس اللي لسه ثابتة علي موقفها من الثورة مهما كانت الظروف ارحمونا وبطلوا تطلعوا مرسي في التلفزيون والمؤتمرات ..انتو نفسكم فضلكوا مؤتمرين وتنتخبوا شفيق ذات نفسه.
عبد الله زرزور: انظروا الى هذا الإعجاز جملة see more لو عكسنا الكلمات
لاصبحت more see هذه علامة اننا يجب ان نختار محمد مرسى ..انشرها عزيزى وإن لم تنشرها فأعلم أن شفيق هو الذى منعك.
محمد عبد العال: مرسي.. غصب عنه، وغصب عننا! الدكتور محمد مرسى .. هو المرشح الوحيد اللى اترشح غصب عنه .. وهو الوحيد اللى الناس هاترشحه غصب عنها.
سيد فؤاد:عندما فاز الإخوان فى البرلمان أول قانون فكروا فيه قانون منع التظاهر .. ياريت محدش يقولى إن مرسى هو اللى هيحمى الثورة.
} وعلى الجانب الآخر شن عدد من معارضي احمد شفيق حملة الكترونية ضد ترشح الفريق للرئاسة حيث استخدموا تصريحاته السابقة في حربهم الافتراضية, حيث قال ايموشن: "صرح شباب حريق مقر شفيق بأنهم مكانوش رايحين يولعوا في المقر..هم كانوا رايحين يولعوا شمع احتفالا بنجاح شفيق"..وذلك للسخرية من تصريح لشفيق بان الجمال أثناء موقعة الجمل كانت في طريقها للاحتفال بميدان التحرير ولاقت مقولة الفريق أثناء احدي حلقاته التلفزيونية بأنه "قتل واتقتل" الكثير من التعليقات حيث قال أحمد علام: للي بيشك فى الانتخابات عشان بعض المتوفين انتخبوا شفيق, أحب أقولهم بلاش افترى .. دي ممكن تبقى نتيجة الدعاية الانتخابية اللي عملها ف الفترة اللي اتقتل فيها.
وتعليقات علي شعار حملة الفريق "مصر للجميع " قالت حدوته مصرية: ازاي يبقا ابويا مربيني على ان مصر هيا امي! واروح انتخب شفيق اللي شعار حملته مصر للجميع: ترضاها لأمك دي أكابتن؟
وعبر مواقع التواصل الاجتماعي خرجت العديد من التعليقات الساخرة من وصول شفيق للإعادة والمتخوفة من استمراره في الحكم أو تنكيله بمعارضيه .
باسم عبد المتعال: أحمد شفيق معاه دكتوراه في الإستراتجية القومية "للفضاء الخارجي.. ده على كده لو كسب هيحكم مصر أربع سنين "ضوئية" مش أربع سنين عادية!!