status&tweets

نوارة نجم : قعدوا يقولولك.. لا ..برادعي مين؟ ده مش بيعرف يقول كلمتين عربي على بعض .. أهو ربنا وعدنا باتنين مرشحين بيتكلموا فارسي ولا حد بيفهم منهم حاجة..روح يا برادعي ربك بيخلص عشان أنت فيك شيء لله .
سمر سلمان :خالد على عامل زى الواد التخين فى فيلم ثقافى لا معاه شريط ولا مكان وعايز يتفرج!
محمد منير : ماحدش في البلد دي عنده ضمير غير ابن اللذين اللي جاب الحبر الفسفوري بتاع الانتخابات..بقاله أسبوعين في إيدينا يا ظالم.
محمد القشاوي : الدكتور توفيق عكاشة يعلن أنه لو أصبح مرسي رئيسا سيهاجر بأولاده إلي ألمانيا.. كدا بقي التصويت لمرسي فريضة قومية علي كل مصري.
غادة عبد العال : صاحب مطاعم البغل عندنا كان بيعمل عملية ومات .. أخوه مسك بداله .. بعد يومين ضربوه بالرصاص قتلوه .. ومع ذلك تروح المطعم تلاقي الفول فول والطعمية طعمية والبطاطس مقرمشة وترد الروح .. مطاعم البغل مؤسسة مش قايمة على أشخاص .. عقبالك يا مصر.
مني فوزي : هو حسني مبارك مات النهاردة تاني ع الصبح كده? على فكرة لازم يراعي سنه... مابقاش شباب زي زمان عشان يفضل يموت كل شوية كده.
عادل عبد المنعم : أم «خالد سعيد» : الاختيار بين مرسى وشفيق زى الاختيار بين الكوليرا والطاعون وإحنا عاوزين نخف ونبقى كويسين.
مهدي عمار : مبارك عمال يتحايل على أحمد رمزى والشاعر أنهم يقتلوا الثوار, وهما يقولوا له ياريس عيب دول ولادك, يا ريس مينفعش دول أمل الوطن ده, قام ناتش من ايديهم السلاح وقعد يقتل فى المتظاهرين لوحده .