ومصريتى غالية عليا وأغلى من ضى عنيا يا زينة يا بلدى ياحبيبة انتى الأمان والدفء والطيبة وفى قلب كانت الحنية مصرية أنا مصرية أنا اللى كبرت على أرضك تحت شمسك وشجرك وضلك وأنا اللى سهرت في ضيا قمرك أرسم أحلامى الوردية مصرية أنا مصرية واللى روانى نيلك وميته أحلى من السكر على ضفافه واقف جدع حليوه أسمر بيقول غناوى الحبل صبية بتوب أخضر عيونها ليل.. بسمتهامسك وعنبر سحر الجمال ساكن خدودها الوردية مصرية أنا مصرية وعلى بساطك اتجمعوا خلان وفي وسطهم راوي ماسك ربابة عاشقة النغم بتقول وتنشد حكاوى واصيلك ياشمس مايل في حضن الغناوى فارد شعاع من دهب على أرضك الحرة الأبية مصرية أنا مصرية وولدك ده ولد فارس من ولاد بلدى هو اخويا وابن عمى وابويا وولدى على كتافه حملك يابلد واجب ومسئولية مصرية أنا مصرية مشيتك يا بلدى حارة ودرب وشارع دخلت المعابد والكنايس والجوامع لقيت حس الإيمان واحد والكل خاضع وخاشع لعظمة الكلمة الإلهية مصرية أنا مصرية اوصف ايه وجمالك قصة وحكاية واسمك على لسانى موالى وغنايا عاشقة جمال ليلك ويارتنى كنت نجماية سهرانه ويا القمر اونس عيون الصبايا مصرية أنا مصرية عظيمة يا أم الحضارة يا أرض بلادى يا أرض أبويا وأمى ومن قبلهم أجدادى ومن بعدى حضن لولادى وأحفادى جيل من بعد جيل بحبك يا مصر بينادى انتى كرامتى وعزتى وكل شىء ليا مصرية أنا مصرية
