«يا فرحة ما تمت».. هاشتاج «#إجازتك_خلصت_ف_إيه» يرصد لحظات الحزن على انقضاء العطلة.. عادل: «في السرير».. هبة: «ربنا يسامحنا على الكدب ده».. داليا: «النوم والاكتئاب»

دشن مستخدمو موقع التدوينات القصيرة «تويتر» هاشتاجا جديدا تحت اسم «#إجازتك_خلصت_ف_إيه» جاء من ضمن الموضوعات الأكثر تداولا على الموقع وتفاعل معه العديد من المستخدمين خاصة الشباب وجاءت كافة التعليقات ساخرة حيث أكد الغالبية على انقضاء فترة الإجازة دون فعل شيء مميز.
في السرير
في البداية قالت دنيا: «شهر بالساحل.. أسبوعين ف دهب.. أسبوعين ف شرم.. حفلة عمرو دياب في الغردقة.. وباقي الإجازة قضتها ف منتجع بابا ف دبي بس» بينمال قالت خديجة: «إجازة مين يا باشا.. أنا حياتي كانت بلا إجازة» بينما أكدت آية: «خلصت في النوم» وعلق عادل: «في السرير».
جنب الشاحن
وعلقت سمر: «أحكيلك إيه ولا إيه ولا إيه ولا إيه وسع كدا شوية ولا إيه» وقالت إيمي: «ابن مين أنت في مصر علشان تخربها في الإجازه.. متقعد زي الناس في بيتكم وقضيها جمب الشاحن» وقالت إيمان: «يا في الصالة يا في أوضتي حاجة في الرينج ده» وأشارت سارة: «في الماتشات والنت والأفلام الأجنبي».
النوم والاكتئاب
وقال كاظم: «مش عايز أقولك ع الخراب والدلع الفيو من بلكونة بيتنا تحفة» وقالت هبة: «دي كانت أحلى إجازة قضيتها في حياتي ربنا يسامحني بقى على الكذب والنفاق ده» وعلق محمود: «صحابي قعدوا يقولوا هنخربها ومحدش اتحرك من البيت أصلا» بينما أكدت داليا: «النوم والاكتئاب» وقالت شيرين: خلصت وأنا قاعدة على الكنبة.
إجازة زفت
بينما أكد محمد: «إجازه زفت أقسم بالله» وقالت رنا: «على السوشيال ميديا» وعلقت هلا: «القعدة على الموب» وقالت ياسمين: «حضرتك الإجازة كانت كلها خروجات وسفر وسامحني يا رب على الكذب دة » وقال بيدو: «بس أنا ف الدراسة أخربها خروج وأروح هنا وهنا آجي ف الإجازة بطه بلدي وربنا م بقوم من ع السرير» وقالت شيرين: خلصت وأنا قاعدة على الكنبة».