«#مطلوب_مدرس_قدوة» يشعل «تويتر» قبل بدء الدراسة.. فرح: «عايزة مدرس ميتحطش ليه الكيك والشاي».. علي: «مطلوب تلميذ يعرف يتعامل مع المعلم».. مي: «هو فين التعليم أصلا»

يفصلنا عن بدء العام الدراسي الجديد، أيام قليلة فمن المقرر انطلاقه 23 سبتمبر الجاري، ومع استحداث أساليب وزارة التربية والتعليم لتطوير منظومة التعليم في مصر بدء من التعليم الابتدائي والإعدادي، مرورًا بالمرحلة الثانوية، ووصولًا للجامعات، يطمح المواطنين في أن تبدأ الوزارة بتطوير المعلم في المقام الأول لكي يكون قادرًا على تأدية رسالته.
وفي هذا الصدد أطلق مستخدمو موقع التواصل الاجتماعي «تويتر»، هاشتاجًا جديدًا يحمل اسم «#مطلوب_مدرس_قدوة»، جاء ضمن قائمة الموضوعات الأكثر تداولًا عبر الموقع، يطالبون من خلاله بضرورة تأهيل المدرس قبل أن يتم اعتماده ليعلم الطلاب في المدارس، فيما اتخذ البعض الأمر بنوع من السخرية، حيث ظهرت الكوميديا في تعليقاتهم عبر الهاشتاج.
وقال محمود: «#مطلوب_مدرس_قدوة يعلمنا التربية قبل التعليم»، وعلقت سالي: «لمَّا يبقى الأب والأم والمجتمع قدوة لما نبطل نرمي خطايانا على غيرنا، أبدأ بنفسك هتلاقى الكل بقا قدوة».
وغردت فرح: «مدرس ميتحطش ليه حته الكيك والشاي لما يدينى درس خصوصي»، وقال أحمد: «زمان كان أول من نشوف المدرس في أول الشارع نجري نستخبا الحين يحشش مع بتوع ابتدائي أين القدوة؟».
وعلقت مي ساخرة: «قدوة إيه يا عنيا.. هو فين التعليم لما بتطلبوا مدرسين قدوة»، وغردت أميرة: «المدرس القدوة دا هيظهر لما التعليم بتاعكو ميبقاش مقتصر إنكو تحشو دماغنا ويبقى مجرد امتحان وبعد كدا ننسى اللي ذاكرناه».
وقال على: «مطلوب_مدرس_قدوة كذالك طالب يعرف يتعامل مع المدرس قبل ما تعلمهم علمهم كيف يتعلموا انهم يتعلموا وأعطى للمدرسين حرية»، وقالت ليلى: «مكنش المدرس بيخلينا نروح قبل ما ننضف الفصل ويقولنا عيب حد كبير ينضف زبالتكو».
وقالت دعاء: «إزاي هيبقى قدوة في مجتمع معدش فيه حد مثال للقدوة.. دي مشكلة مجتمعية لأنه فرد من المجتمع ولازم منظومة التعليم تربي زي الأول».