رجل "الشاطر": "شباب هندسة شبرا لقى ثورته بتتسرق فانفجر"

قال الناشط الإخوانى أحمد المغير، والملقب برجل الشاطر، على "فيس بوك": "شخصيا لا أظن أن تقدم مؤسسة مبارك القضائية على حل مجلس الشورى".
وأضاف: "بالتجربة ثبت أن التشريع في يد الرئيس أقوى وأسرع كثيرا من وجود التشريع في يد المجالس المنتخبة.. فلول مبارك بشقيهم أصحاب الذقون وأصحاب البارات عندهم قدرة حاليا على عمل مشاكل عديدة لممثلي الثورة في مجلس الشورى الحالي، فطبعا هيكون غباء شديد لما حليفهم القضائي يسحب ده منهم ويديه كله للرئيس".
وتابع "أنا كنت هكون "متفهم" جدا لرد فعل شباب هندسة شبرا إذا شالوا مولوتوف وحجارة ورموها على السيد حمدين صباحي.. دول برضو شباب ثوري وبيعبروا عن نفسهم ومش من حقنا نحكم عليهم أبدا".
وأضاف المغير "شباب هندسة شبرا شباب مصر اللي زي الورد اللي لقى ثورته بتتسرق قدامه والمحاكمات بتطلع الكل براءة ومفيش مجرم بيتحاسب فانفجر.. بدل ما تحاسبهم على العنف اللي هما فيه شوف مين اللي بدأ العنف وحاسبه".