شكا "أحمد يحيى" أحد قاطني شارع فيصل من الانقطاع المستمر للمياه في المنطقة، قائلا: "تنقطع المياه يوميا من الساعة العاشرة صباحا حتى ثاني يوم الساعة السادسة صباحا، وباقي اليوم لا يوجد مياه نهائي وذلك بصفة مستمرة يومية، مع العلم أن شركة المياه لم تعلن قطع المياه، وكذلك لم تستجب للشكاوى التليفونية رقم 125. وأضاف "أشرف محمد" أحد سكان شارع عوضين متفرع من شارع عمرو بن العاص -فيصل -المطبعة، " المياه بتيجي الساعة الثالثة فجرا وتقطع الساعة السابعة صباحا، نعمل إحنا ايه بقا، كده حياتنا واقفة بسبب قطع المياه، ارحمونا". وقال أحد سكان شارع أحمد كامل بمحافظة الجيزة "المياه مش بتيجي عندنا غير ساعتين"، وتابع آخر: "المياه في شارع أبو زيد العشرين بتقطع بميعاد وبتيجي بميعاد". وقال محمد إبراهيم: "أنا ساكن في شارع الأزهار، متفرع من شارع الملكة أمام وحدة صحة كفر طهرمس، والمياه يوميا بتقطع من الساعه 11 أو 12 الظهر لحد 8 بالليل، ويوم الجمعة من الساعة 10 الصبح لحد بالليل، الغريبة إن أيام الأعياد (عيد الفطر وعيد الأضحى) المياه بتكون موجودة باستمرار وشديدة جدا، يعني أكيد اللى بيحصل (في الأيام العادية) مقصود". وتقدم أحد سكان أول المنشية المتفرعة من الطالبية- شارع حسن عبد الحميد المتفرع من شارع مراد مكسر بشكوى قائلا ": "المياه كده من أول رمضان"، وتابع آخر "المياه بتيجي من 6 ونص الصبح ل11 الصبح فقط، يعني وقت الشغل وبنرجع ما نلاقيش مياه خالص لحد تاني يوم نفس المعاد. ومن شارع العشرين قال أحد المواطنين" المياه بتقطع عندنا يوميا أكتر من 16 ساعة في اليوم وبتيجي الفجر بس وساعات ما بتجيش كمان، والوضع ده من 2014". وعن معاناة سكان منطقة كفر طهرمس فيصل، قال أحدهم: " المياه تنقطع طوال الأسبوع ومش بتيجي خالص ولا حتى نص ساعة". وتتيح «فيتو» لقرائها التواصل معها، عبر كل وسائل الاتصال الممكنة، لمختلف الأجهزة، وهي: «واتس آب whatsapp، سكايب skype، فايبر viber، لاين line، بي بي إم BBM، وكيك kik، وذلك عبر الرقم «01270709070».