سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
هاشتاج «أول محاولة تحرش كان عمري» يجتاح «فيس بوك».. مشاهير يروون تفاصيل تعرضهم للحادث.. ياسمين الخطيب ونجمة أراب أيدول ضمن القائمة.. أغلب القصص تحت سن ال10 سنوات.. وآخر يرفع شعار «مش للبنات فقط»
دشن مستخدمو موقع التواصل الاجتماعي «فيس بوك» هاشتاج، بعنوان «أول محاولة تحرش كان عمري»، والذي تروي فيه الفتيات تفاصيل وقصص أول محاولة تحرش تعرضن لها في حياتهن، وتفاعل عدد كبير من الفتيات والمشاهير مع الهاشتاج؛ لسرد قصصهن المأساوية مع التحرش، سواء كان تحرشا لفظيا أو سمعيا أو جسديا. ورصدت «فيتو» عددا من القصص الصعبة والخطيرة، التي تعرضت فيها الفتيات، وكذلك المشاهير لمحاولات التحرش بهن، وكانت كالتالي: ياسمين الخطيب ودونت الإعلامية ياسمين الخطيب، قائلة: «أول محاولة تحرش تعرض لها كان عمري 6 سنوات، وكانت من صيدلي، وتوالت المحاولات اللي أغربها كانت من طبيب في طوارئ مستشفى الشروق، وأنا بين الحياة والموت، وكان تحرشا فجا جدًا على فكرة». نجمة «أراب أيدول» وروت الفنانة الشابة إيناس عز الدين نجمة أراب أيدول، عن أول مرة تعرضت لها للتحرش، قائلة: «كان عندي 5 سنين، والمجوهراتي وإحنا بنشتري منه حاجات، عمل نفسه بيلاعبني وقعدني على حجره، وكان بيمد إيده عليا، ولما صرخت وجريت وأهلي سألوه، كدبني، وقال: ده أنا كنت بشوف لا تكون عملت بيبي عليا، وطبعا كان يومه جحيم». وتابعت قائلة: «وبعدها وأنا عندي 9 سنين، وراجعة من المدرسة، بتاع العيش شكله كان شارب حاجة، ونده عليا، وعملي حركات مش كويسة، وأنا ما رديتش؛ لأن جدتي قالتلي إوعي تردي على حد غريب، لما ما رديتش طلع يجري ورايا، وأنا جريت، وفضلت أصرخ لحد ما خالي شافني، وكان هيقتله، والناس أخدوه من إيده بأعجوبة، وبعدها وأنا عندي 11 سنة كان هيغتصبني ويقتلني سفاح العصافرة الشهير، واستخبى في سلم عمارتنا علشان يستناني وأنا نازلة العب بالعجلة، والقدر تدخل وأنقذني وخلى الجيران يشوفوه مستخبي، وهو ضربهم وهرب، وبعدها بأقل من أسبوعين شوفنا صورته في مجلة الحوادث، اغتصب وقتل أكتر من 17 طفلة بطريقة بشعة». وأضافت: «وأنا في ثانوية عامة مدرس عمل نفسه وقع قلم تحت الدسك بتاعي، ووطى علشان يجيبه، ولقيته بيتفرج على رجلي بشكل قذر، وطبعا نزلته للمديرة بالضرب على قفاه، وقبل فرحي بشهرين واقفة على البحر ومتمرمطة وتعبانة وشايلة حاجات صيني لجهازي، ومستنية أركب تاكسي، اتنين راكبين عربية، اللي سايق شاب، واللي جنبه راجل بتاع خمسين سنة، الراجل الكبير عاكسني، ولما ما اتجاوبتش معاه شالوني بالعربية وطيروني على البحر، والإزاز دخل في جسمي، وبدل ما الناس تساعدني، وقفوا يتفرجوا عليا، وما حدش وقفهم، ولا أخدوا نمر العربية». 9 سنوات فيما قالت سهيلة سراج، عن أول محاولة تحرش لها: «كانت أول محاولة تحرش بي كان عمرى 9 سنين، كنت بشترى فينو من الفرن، وجه واحد من جنبي كأنه خبطني في كتفي، وقعد يحسس على أيدي ويعتذر، أنا حسيت إنه مش بيطبطب، وهو ماشي حط أيدي على مؤخرتي، وبعدين مشي، وأنا مروحة جه من ورايا تاني ويحسس على كتفي ويعتذر، زقيت إيده وقولتله خلاص، عرفت إنك آسف، وروحت البيت وكنت مفزوعة يومها وقلبى مكنتش بيبطل دق من الخوف أو الخضة». التأثير السلبي للتحرش وتابعت قائلة: «قعدت فترة طويلة بخاف من الرجالة تحديدًا، وده أثر عليا سلبيا دلوقتي إني مازلت بخاف من اللمس مع الرجالة، أو التعامل عن قرب أو نجتمع في مكان لوحدنا، ومش أي حد بعرف أديله الثقة، إني أحضنه حتى لو كان الحد ده زي أخويا، الفكرة إني بقيت بخاف من لمساتهم». جدي وقالت سعاد: «إن أول محاولة تحرش تعرضت لها كانت في عمر ال 5 سنوات، وكان من قام بالتحرش بها هو "جدها"؛ ليتحول من القدوة إلى شخص غير سوي. 4 محاولات تحرش فيما دونت ندى حامد، قائلة: «أول محاولة كان عمري 4 سنين، من ابن عمي اللي عنده 24 سنة، تاني محاولة تحرش كان عندى 10 سنين من جارنا، وصاحب أبويا اللي كان عنده 55 سنة، تالت محاولة تحرش كنت في نفس السن، وكانت من عمي اللي مربيني، وكان عنده ستين سنة، رابع محاولة تحرش كنت عندى 13سنة، من جوز أمى اللي عنده 40 سنة ونسيب القوس مفتوح». أول كسرة النفس بينما أوضحت "أميرة"، عن أول محاولة تحرش لها قائلة: «كان عمري 7 سنين من الراجل اللي مفروض يكون في ضهري، دي حاجة كدا مش بس محفورة في ذاكرتي، دي أول كسرة نفس قوتني في الدنيا، الأولى بس مش الأخيرة». التحرش مش للبنات فقط وقال "محمد" في تدوينة له: «التحرش مش بيؤذي البنات بس، والولاد كمان، بس أكيد الولاد مش هتحكي، عشان أعرف واحد صاحبي عنده نحو 13 سنة يمارس التحرش».
