الهاربة رضوى جلال تنشر صورة جديدة لها.. ونشطاء «فيس بوك» يهاجمونها

هاجم رواد مواقع التواصل الاجتماعي "فيس بوك"، "رضوى جلال" أرملة الداعية أحمد الجبلي، صاحبة دار أزياء "مليكة" المتهمة بالنصب والاحتيال، للمرة الثانية بعد اختفائها لأكثر من عام، بعد نشرها صورة جديدة لها على حسابها الشخصي "فيس بوك" و"إنستجرام".
وقالت ياسمين: "هو ابنك موحشكيش بعيد عن الفلوس وأي قضية ليكي الله اعلم بيها لكن بجد ابنك موحشكيش أصل ده مش منظر واحدة قلبها موجوع ومنكسرة بجد مش قادرة استوعب النقطة دي وهو انتي بتسألي نفسك كل يوم يا ترى ابنك لو شافك يعرفك ؟؟؟!".
وتابعت: "يعني لو وقفتي قدامه وقدام أي واحدة هو اتربى على إيديها هيجري على مين ؟! الله يسامحك يا شيخة مش أصل مهما اتعاطفت معاكي على قضايا فلوس عمري ما هتعاطف معاكي على رميك لابنك ده انتي حتى مجبتيش سيرته أو نزلتي صورة ليه وتقوليله وحشتني ولا أي حاجة".
وأضافت كريمة: "رضوى أنا مغلطتش فيكي ولا اتكلمت بشكل مش كويس عشان تمسحي كومنت بتاعي، طالما شوفتيه مردتيش ليه، أنا سألتك انتي فعلا حترجعيلنا فلوسنا؟".
وقالت نجوى: "يا ستى اتقى الله ف الناس انتى واحدة بتقولى رجعة اشتغل ومش مركزة غير في كده طب إيه لازمته الشو ده حرام عليكى قلوب الناس اللى هتتحرق وهي شيفاكى عايشة حياتك ولابس وميك آب وإكسسوارات وهما حياتهم ادمرت وفي منهم اللى حياته ضاعت مع فلوسه اللى ضاعت بسببك حراااااااام عليكى راعى مشاعر الناس وإحساسهم شوية".
وأضافت جودي: "تصدقى أن ابنك ربنا بيحبه عشان انتى تبعدى عنه ولو كان معاكى من الأول وانتى اللى ربتيه أكيد مش هيطلع كويس بس الحمدلله الواحد يطمن أنه لما يكبر هيبقى قدوة من باباه وربنا يحبب فيه خلقه كمان وكمان وانتى بقى ليكى رب كبير هتقابليه.. محدش يقدر يحاسبك غير اللى خلقك".
جدير بالذكر أن مصممة الأزياء "رضوى جلال"، صاحبة دار "مليكة" للأزياء والتي اتهمها الكثيرون بالنصب والاحتيال، هربت خارج البلاد بمبلغ 15 مليون جنيه، ويصل حجم ديونها إلى 4 ملايين جنيه، كانت قد سافرت إلى قطر وتعمل حتى تستطيع سداد ديونها، نافية شائعة زواجها.
وكانت الدائرة الأولى جنايات بمحكمة القاهرة الاقتصادية، أصدرت حكمًا، بمعاقبة الهاربة رضوى جلال، صاحبة سلسلة محال تجارية، بالسجن 10 سنوات غيابيًا وغرامة 500 ألف جنيه، ورد مبلغ قدره 2 مليون و83 ألف جنيه للمودعين الواردة أسماؤهم بالقضية، على خلفية اتهامها بالاستيلاء على أكثر من 2 مليون جنيه من عدد من المواطنين عبر موقع التواصل الاجتماعى "فيس بوك"، بزعم استثمار أموالهم في مجال تجارة الملابس والمواد الغذائية.
تعود تفاصيل القضية رقم 599 لعام 2016، إلى قيام رضوى جلال بدعوة الجمهور عبر صفحات التواصل الاجتماعي، لجمع أموال بهدف استثمارها وتوظيفها، إلا أنها امتنعت عن رد الأموال المستحقة للمجني عليهم وفرت هاربة.
وبعد هروبها حاولت رضوى التلاعب بعملائها، وقالت في بيان نشرته على صفحتها على "فيس بوك": "نظرًا لأن فيه شائعات كتيرة انتشرت عني عايزة أوضح إن ديوني لا تزيد على 4 ملايين، مش 15 أو 20 زي ما الإعلام بيقول، والديون دي في رقبتي وأنا هحاول أسددها في أقرب وقت، وأنا حاليًا في قطر، وهشتغل بكل قوتي عشان أسدد كل ديوني إن شاء الله".