سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
«ثورة غضب على شيرين بعد هجومها على الهضبة».. النشطاء: عمرو كان عنده حق لما غنى أنا مهما كبرت صغير.. عايزة مرتضى منصور يرد عليها.. المطرب تاريخه عظيم.. والكلام ضده تخاريف
دشّن نشطاء موقعي التواصل الاجتماعي "فيس بوك وتويتر" هاشتاجا يحمل عنوان «شيرين السكرانة» للرد على هجوم المطربة شيرين عبد الوهاب بسبب هجومها على المطرب عمرو دياب في حفل زفاف الفنان عمرو يوسف وكنده علوش، والذي قالت خلاله: «إحنا مبقاش عندنا في مصر غير تامر حسني وحماقي.. وعمرو دياب خلاص راحت عليه». النشطاء ردوا على تصريحات «شيرين» بحملة شرسة وطالبها البعض بالاعتذار للهضبة أو اعتزال الغناء. تخاريف وقالت «نوران»: «شيرين بتقول راحت عليه، كبر خلاص.. دي مش عايزة غير مرتضى منصور يرد عليها»، وردت «علا»: «بتتكلم ع الهضبة اللي عمره ما شرب حاجة وفضل يحضن في الناس». تاريخ عظيم وعلقت «رحمة» قائلة: «الهضبة ليه تاريخ عظيم، وشيرين نفس الحكاية مش ترند على تويتر ولا شوية شتيمة هما اللي هيغيروا يعني ارتقوا شوية». وقالت «نور فراج»: «أنا مش هحرق في دمي عشان خاطر واحدة ملهاش أي تلاتين لازمة في الحياة، المهم إحنا عارفين عمرو دياب هو مين وفين وأنتِ مكانكِ فين، معلش هو أنتِ فاكرة عشان عملتي مسلسل وعجب الناس وكام ألبوم ما علينا أنما في أغانٍ متتسمعش.. متفتكريش نفسك حاجة ياريت». ميسي وسخر «طاهر»: «شيرين جنب الهضبة زي ميسي قصادي في الكورة»، وأضاف «كريم كورسات»: «وبرضو عمرو كان عنده نفسه بعد النظرة المستقبلية لما قال: أنا مهما كبرت صغير». فيديو الغضب كان رواد موقع التواصل الاجتماعي "فيس بوك" تداولوا فيديو للفنانة شيرين عبد الوهاب أثناء إحيائها حفل زفاف الفنان عمرو يوسف وكندة علوش الذي أقيم الجمعة الماضية بمحافظة أسوان، وهي تتحدث عن النجمين تامر حسني ومحمد حماقي. وقالت شيرين خلال الفيديو: "إحنا مبقاش عندنا في مصر غير تامر حسني وحماقي إحنا حليتنا غيرهم.. والتاني خلاص راحت عليه"، وهو ما اعتبره الكثير بأنه تعرض للفنان عمرو دياب بشكل غير مباشر.
