نصر فتحي اللوزي يكتب: ناس وناس

ناس تسهر ليلها على موسيقى وخلاعة الراقصات
وناس تسهر ليلها تتقرب من ربنا في سر العبادات
ناس بالتواصل الاجتماعي أخلاقياتهم في انهيارات
وناس ألسنتهم بالرجاء يطلبوا من الله كل الرحمات
ناس تركت الحبل على الغارب للأولاد وكمان البنات
وناس بيرضعوا عيالهم ما يرضي الله من السلوكيات
ناس تسهر ليلها بشراهة على الطعام من المشويات
وناس تكمل عشاها نوم معتمدين على رب الكرامات
ناس مخزنة كل أنواع الطعام ولا مكان في التلاجات
وناس يكفيهم الوجبة بعد الوجبة وحسب التسهيلات
ناس بتستورد من بره الأكل حتى كمان الشيكولاتات
وناس كل آمالهم عصيدة في العيد يقدموها حلويات
ناس بتشرب المية مستوردة من نبع أنقى المصبات
وناس بتشرب ميه بس مخلوطة بمجاري المخلفات
ناس علاجهم في خمس نجوم من أرقى مستشفيات
وناس مش لاقية بتطلب الموت من العذاب رحمات
ناس كلابهم بأحدث الملابس راكبين معاهم عربيات
وناس كالسردين محشورين متشعبطين الأتوبيسات
ناس كلابهم قططهم لهم علاج نفسي من الاكتآبات
وناس بتتلطم مش لاقيين علاجهم في المستشفيات
ناس بتنام على كيفها تصحى بإيد حنينة وطبطبات
وناس بتصحى من الفجرية مؤمنة بالرزق غيبيات
ناس مش مالية عنيهم قصورهم وكمان العمارات
وناس بين أربع جدران لا سقف ولا للهوا مصدات
ناس عايشين لأحدث الأزياء وكمان ألذ المأكولات
وناس اتسرق عرقهم لا حد بيسمعهم من السلطات
ناس هربوا من العسكرية اتكرموا اعتلوا المنصات
وناس أصيبوا واستشهدوا منسيين حققوا بطولات
ناس الملايين رقم حقير بيعدوا فلوسهم بالمليارات
وناس اتسرقت ملياراتهم بقى طعامهم الدايم كرات
ناس لابسين بدل وقمصان وزراير دهب وكرافتات
وناس بنوا مصر نسيوهم نسيوا معاهم التضحيات
ناس عايشين ولا يهمهم أبدا للأسعار أعلى زيادات
وناس بتصرخ بتستجدي علاوة تسند لهم المرتبات
ناس بتزور وتتهرب من جمارك وضرايب مقررات
وناس بتستقطع منها للدولة من المنبع المستحقات
ناس بتاكل بعد الأكل تتسلى بالملايين من المسليات
وناس مش لاقية لآلامهم دوا ولا أرخص المسكنات
ناس ناسيين إن لكل فساد نهاية والموت له سكرات
وناس بيحاربوا الفساد لا يهمهم كذب أو الادعاءات
اللي قبل الواو دول اللي بتصب عليهم دايما اللعنات
واللي بعد الواو الكل غلابة أولهم أصحاب المعاشات
اللي قبل الواو دول فاسدين فاكرين إنهم في فهلوات
واللي بعد الواد دول الشرفاء عليهم بجرأة البلاغات
اللي قبل الواو دول فاكرين إنهم من القوانين أفلات
واللي بعد الواو دول عيون أجهزة الرقابة الناشطات
اللي قبل الواو نهبوا سرقوا حتى كل أمل وطموحات
واللي بعد الواو أملهم العدالة تبقى المعيشة شربات
كلنا يا مصر للفساد هنحارب يبقى الفساد دوما رفات
يابلدي حققي عدالة اجتماعية كتعاليم رب السموات