عماد البرمي يكتب: يوميات معدوم الدخل

اليوم الأول
أنا المواطن معدوم الدخل ابن الطبقة المتوسطة ابن عمال الوسية لم يختلف حالي كثيرا بين ما مر بي من مراحل من أيام الباشا حتى أيام الباشا دولار، أما أصحابي المقربين ليا هم أحمد الجعان نبيل أبوالعريف والحاجة فاطمة أم المرض، سألني ذات يوم أحمد أفندي الجعان قالي يامعدوم هي الحكومة رفعت أسعار كل حاجة لية؟، أجبت الحكومة مرفعتش الأسعار إلا لما عرفت أن معاك 100 جنيه محوشها فقال لي عرفت منين؟ قولتلو لما كنت عيان وعندك هبوط من الجوع مش رحت المستشفي وزنوك لقوم زدت ربع كيلو يبقي معاك فلوس فقال هما بصوا لوزني دا حتى مدونيش بورشامة فقلت له هي الحكومة بتاعتنا بتدي حد حاجة دا بكرة تعومك زي الجنيه.
اليوم التاني
سألت نبيل أبوالعريف يبوالعريف إيه يعني أوباما راح وترانب جه أجاب قائلا ترامب مستريح أوي وسمسار كبير يعني أما ييجي عندنا في رمضان هيفرق ع الناس فلوس كتير أوي ييجي 200 جنيه فسكت وسألت نفسي هذا السؤال ودار في خاطري هو مين اللي جاب ترامب طبعا مش الأمريكان إنما المنتفعين من ورا المنصب اللي جابهوله وبكرا يبدأ دفع الفاتورة بس ياتري مين اللي هيدفع طبعا اللي ضحك عليهم وانتخبوه.
اليوم التالت
منذ الصباح وأنا أسمع وأشاهد التليفزيون لقيت الناس كلهم بيتكلموا عن الريس لما شاهد الفتاة التي تجر العربة بدل وقالوا إنه سلم عليها وأداها شقة وجاب لها عربية فقولت لنفسي دي بتجري على نفسها وخدت عربية وشقه لو الريس عرف أن معدومي الدخل بيجري على أسرة من أربعة أو خمس أفراد يبقي بيجر خمس أفراد كان يديني خمس شقق وخمس عربيات لكن ياتري كان هيدفعلي فلوس الكهربا ولا الماية ولا الغاز ولا البنزين أحسن أنه ميعرفنيش.
اليوم الرابع
جارنا كل يوم يصحينا هو وعياله على صوت عالي الراجل عنده عيال أكبرهم 10 سنين كل يوم يخرجهم علشان يشحتوله وكل واحد يطيب 300 أو 400 جنيه واللي يجيب غير كدة ينضرب وينام من غير اكل سألتة انت بتعمل كدا لية أجاب عليا أنا أفهمك الجنيه نقص النص وانا عايز ءأمن مستقبل ولاد ولاظهم لما ييجوا يلاقوا اقتصادنا قوي.
اليوم الخامس
سألتني الحاجة فاطمة ام العيال يامعدوم افندي هو ترامب هيرخص الدوا ويزود التموين قولتلها هو مين ترامب يحاجة قالت هو انا هابله دا رئيس أمريكا أكبر بلد في الدنيا قولتلها يحاجة الراجل دا جاي لما البترول رخص جاي يولع في الدنيا ويدفعنا تمنة وفرق السعر فقالت يارب مايكمل مدتة ويكون زي كندي والمخلوع مرسي.
اليوم السادس
لقيت أحمد الجعان قاعد يعيط قولتله مالك قال المدرسين بياخدوا نص المعاش انا عايز اكتب جواب للريس بس اكتبة انت قولتله لية انا قال احسن يعرفوا خطي جبت ورقه وقلم وقولتله قول قال يريس عملت خطة لرفع الظعم ياريت تعمل خطة لرفع الظروس الخصوصية احسن المدرسين غلوها اوي ياتري هي بتشتغل بالسولار ولا بنزين 95.
اليوم السابع
نبيل ابوالعريف ندة عليا يامعدوم الدخل افندي فأجبت عايز اية قال ربنا كبير اوي إثيوبيا بتسد النيل والأرصاد بتقول في سيول على بلدنا بس انا خايف الحكومة تدفعنا تمنها وتعملها ضريبة تصاعدية.