سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
جدل بين المصريين حول «فتح باب الهجرة لأمريكا».. هشام: الموضوع مش سهل.. رشا: اهرب يا ولد.. إسلام: هنريح ونرتاح.. حازم: الحكومة عاوزة تخلص من الشعب.. سامح: هتحل أزمة الدولار.. محمود: جايز الحظ يضرب
أثار فتح باب الهجرة العشوائية لأمريكا، لعام 2018، جدلا بين نشطاء مواقع التواصل الاجتماعي "فيس بوك وتويتر"، حيث أظهر عدد كبير من النشطاء نيتهم للتقدم لتلك الهجرة ناصحين أصدقاءهم ومعارفهم بذلك، في حين طالب آخرون بعدم الانسياق وراء الهجرة لأي دولة أخرى وترك مصر في أزمتها. شروطها صعبة قال هشام شفيق: "طب يا ريت والله بس مش بالساهل كده دا شروطها صعبة"، وأضاف إسلام العجرودي: "يا ريت على الأقل.. هنريح ونرتاح"، وعلق فريد عمارة: "سفارة واشنطن بالقاهرة تعلن عن فتح باب الهجرة.. والتقديم حتى 7 نوفمبر". ورد حازم جمال: "الحكومة شكلها عاوزة تخلص من الشعب.. هاجر تموت"، وتابع سمير سعيد: "علشان عارفين إن الناس معهاش فلوس". «اجري» وقال عبود: "فتح باب الهجرة، اجري يلا"، وأضاف حسام عثمان: "المفروض يهاجر على الأقل 30 مليون واحد.. عشان البلد ترتاح شوية"، وعلق سامح عمر قائلًا: "اللي يقدر يهاجر، حيفيد نفسه وحيفيدنا، لو له أهل حيحولهم دولارات ولو مالوش حيفضي مكان، نقلل الزحمة ونخف الضغط ع الموارد". وردت رشا أم يوسف: "في ظل الظروف التي تمر بها البلاد.. يقضي على الأخضر واليابس.. بوجه رسالتي للشباب الحق نفسك... اهرب يا ولد". وتابع يوسف تعالب: "موضوع فتح باب الهجره حقيقي وبالقرعة.. بتقدم دلوقتي أبليكيشن بسيط.. وفي مايو يتقال اللي كسبوا والمقابلات في أكتوبر". شركات نصب وقال حسن أيوب: "هاكون أول واحد مهاجر بس يخرجونا.. فتح باب الهجرة"، وأضاف أحمد الأنكل: "باب الهجرة بيتفتح وبيتفتح معاه زنتاشر شركة نصب باسم تيسير الهجرة"، وعلقت رشا حمودة: "يلا بينا بقى مش ده اللى نفسك فيه؟ وخدنى معاك ياسى دونى". ورد محمود عبد الكريم: "من 4 أكتوبر وحتى 7 نوفمبر 2016 أمريكا فتحت باب التقديم لبرنامج الهجرة العشوائى، كل سنه بيقدم ملايين، وبيتم اختيار 55 ألف منهم بشكل عشوائي تمامًا، مش هتخسر حاجة لو قدمت، جايز الحظ يضرب معاك وتتقبل، الحظ هيضرب مع 55 ألف واحد، ليه لأ متكونش واحد منهم؟ قدموا يجدعان جايز نحس الجنسية يتفك". وتابعت نجوان: "فتح باب الهجرة، المشكلة إن الجرين مش بييجي غير للناس اللي مش محتاجاه"، وقال عمر عمر: "لو مش عاجباك البلد موت.. حضرتك مش كان فيه أوبشن السفر؟ لا دا اتلغى خلاص". وتابع علاء محمد: "قدامك تجربتين تروح الصحراء لوحدك لمدة 18 ساعة بدون فلوس - موبايل - أكل - شرب أو تركب مركب لنص البحر لوحدك.. وبعدها قرر".
