كيف تسعدين زوجك في 10 خطوات؟!

1_ دايما ألبسى في البيت حلو اوعي تطلبي منه يلبسلك حلو.. أو يحلق دقنه اللى مخلياه شبه أرباب السجون معلش اصله مش فاضي للكلام الفارغ ده
2_و انتي خارحة معاه البسي كويس قوي عشان يتقال مراته حلوة وشيك،،،بس حاولي تكوني مبهدلة ومقرفة في نفس ذات الوقت،،،عشان محدش يبصلك وتقلب الخروجة لخناقة..ده بصلك ودة بصتيله
3_حاولي دايما تلبسي لبس جديد وتعملي تسريحات جديدة وتروحي للكوافير وتظبطي نفسك،،،بس بقولك ايه اوعي تطلبي منه فلوس لحسن يقول عليكي مادية ولا حاجة
4_ زعلانة. معلش يا حبيبتي داري عنه،،مضايقه اكتمي في سرك عشان هو شقيان وتعبان،،،و لكن لو لاقيتيه زعلان ومضايق،،قيديلة صوابع ايديكي ورجليكي شمع ويا ريت بريحة كمان
5_ يا ريت تبقي اجتماعية ومحبوبة،،،بس يا ريت ميبقاش عندك صحبات كتير عشان ده شيء مش بيحبه عشان بيحب يحس أنه الوحيد في حياتك
6_حسسيه أنه أهم واحد في حياتك وانتي من غيره متعرفيش تعملي حاجه،،،،بس كلمة في سرك اوعي تطلبي منه حاجة أو مساعدة عشان هو تعبان وعاوز اللي يقدره
7_سمعية كلام الحب والدلع والرومانسية،،،بس اوعي تطلبي منه يعمل زيك،،،عشان هو شايل هموم الدنيا فوق كتافه
8_ولعيله شمع وحطيله ورد واعمليله عشا رومانسي لوحدكم بالبيت،،، بس لو قالك شيلي الهبل ده احنا كبرنا على كده،،،اوعي تزعلي اضحكي في وشه وقوليله امرك يا حبيبي
9_ امسكي ايده وبصي في عينيه.،مش لازم يبصلك ولا لازم يمسك ايده انتي ناسيه أنه بيشتغل وشايل هم البيت ولا ايه،،، المهم انك ماسكه ايده وباصه في عينه مش مهن هو باصص فين،،،المهم انك ممكن تعيشي نفسك اللحظه من غيره
10_ لما تتعبي متشتكيش عشان ميقولكش عليكي نكديه ولكن لو هو تعب،، هننيه ودلعيه وحاوطيه