شباب "فيس بوك" يرصدون كذبة العريان فى شهر أبريل

تناقضات تصريحات "العريان" دائما ما تسبب حرجًا لجماعة الإخوان، صفحة "أنا إخوان أنا مقطف بودان" على "فيس بوك" رصدت تناقضات آخر "ستيتس" للعريان عبر "فيس بوك"، والتى وصفوها بأنها كذبة أبريل، ولاقت الكثير من التعليقات الساخرة، منها ..
أدمن صفحة "أنا إخوان أنا مقطف بودان" تعليقًا على الصورة: قالك الواد عنده 17 سنة وأبوه مختفى من 20 سنة، تصدق سلخت قبل ما ادبح؟
هانى محمود: طول عمره بيهيس... مش عصام العريان ده اللى قال ممكن يكون بوذا نبى، وإن اليهود يجب أن يعودوا إلى مصر لأنها بلدهم.. هيّس يا عم هيّس، البلد بقت بتاعتكم، قولوا زى ما انتم عاوزين، واد عنده 17 سنة وابوه مختفى من 20 سنة، مش مشكلة، عادى الحمل طول شويتين.
حمدى زكريا: طب وفيها إية يا جماعة، ما يمكن أمه كانت حامل، ولما جوزها اختفى أجّلت الولادة كام سنة كدة عشان ظروف الاختفاء يا جماعة (فين المبررييين).
محمد على: دى نهضة ولا مش نهضة يا متعلمين ههههههههه.