نشطاء يعاتبون «السيسي» بسبب الرواتب.. أحمد: « أنا موظف ومرتبي ما زادش من 4 سنين».. علي: «الناس ما عندهاش اللي تتقشف منه».. محمد: « في دولة بتتداين علشان تدفع مرتبات موظفيها».. وأيمن: «بركات القرض هلت»

حالة من الحزن انتابت نشطاء مواقع التواصل الاجتماعي "فيس بوك وتويتر" لما قاله الرئيس عبد الفتاح السيسي، اليوم السبت: إن حجم الدين الداخلي للدولة تعاظم في الفترة الأخيرة، ليصل ل97% من حجم الناتج القومي المحلي، وزيادة المعاشات والرواتب بقيمة 150 مليار جنيه خلال الفترة الأخيرة، يمثل عبئا كبيرًا على الدولة.
ودشن النشطاء هاشتاج "الدين" الذي احتل مركزًا متقدمًا في تريند مصر على تويتر، معاتبين "السيسي" في أمر الرواتب، ومطالبينه بتخفيض الأسعار بدلًا زيادة الرواتب.
استر يا رب
قال على الصفتي: "إحنا عارفين أن المرتبات ماينفعش تزيد بس الناس انتخبتك علشان أنت تقول إزاي مش علشان إحنا نقول وماتطلبش من الناس تتقشف علشان الناس ماعندهاش اللي تتقشف منه أصلا، أنت راع وكل راع مسئول عن رعيته في كل أمورهم وده فرض عليك مش بتوجب معانا يعني".
وأضاف أحمد الشناوي: "السيسي بيقول إن بند المرتبات زاد في الموازنة من 83 مليار جنيه إلى 228 مليار جنيه من بعد ثورة يناير.. وبرده بيقول أن ده نتيجة تعيين 900 ألف موظف.. الحقيقة بس أنه ماقالش ال900 ألف موظف دول رواتبهم كام سنويا؟؟!!!... الشيطان يكمن في التفاصيل.. فند البنود ونتحاسب...".
وعلق محمد بقوله: "السيسي بيتكلم عن أن مرتبات الموظفين رفعت الدين الداخلى ل2.3 تريليون جنيه هو فيه دولة بتتداين علشان تدفع مرتبات موظفيها؟؟!!"، ورد أيمن الشعار:" استر يا رب بركات صندوق النقد هلت وهيتسرح الموظفين".
وتابع أحمد الشربيني "السيسي‬: "زيادات المرتبات هي سبب زيادة الدين الداخلي.. المرتبات زادت 150 مليارا.. أنا موظف حكومة ومرتبي ما زادش من أربع سنين ".
فين الباقي
وقال إسلام رضا رشدي "السيسي": زيادات المرتبات هي سبب زيادة الدين الداخلي المرتبات زادت 150 مليار جنيه.. في حين الدين ارتفع من 800 مليار إلى 2.3 تريليون جنيه.. فين الباقي؟".
وأضاف أشرف الحنفي: "السيسي كان بيتكلم أن بند المرتبات ارتفع 150 مليارا بعد الثورة طب أنا مصدقك بس حضرتك تقدر تقول أكتر قطاعات استفادت من الزيادة دي مين بالأرقام".
وعلق توتا كريم: "لا يا ريس ماتزودش المرتبات بس سيبنا نعيش بالمرتبات البخس على أدنا ماتزودش الأسعار".
ورد محمد علي: "2000 مليار في سنتين وكل الموظفين من 2014 المرتبات لم يتم زيادتها بل كل عام تنقص من الضرائب.. طيب راحت لمين".
وتابع مهند حكم الدبي: "لما قلنا أن الدين وصل إلى 98% من الناتج المحلي في ناس كدبت الخبر.. السيسي بقولها بصراحة أن الدين الداخلي 97% من الناتج المحلي يعني استيراد القمح والمواد الغذائية والمحروقات والرواتب وخلافه من مصاريف الخدمات من 3% من الناتج المحلي وطبعا ده مستحيل.. يبقي معني كده إيه ؟؟؟؟؟؟؟ الإفلاس قادم والأسوأ قادم"؟