بالصور.. أطرف ردود النشطاء على «حبيتها ليه».. يحى: «اكتشفت أنها أهلاوية».. نور: «حبيته من غير أسباب».. آية: «علشان عنده فيلا ب3 جناين ».. ياسر جمال: «طلعت منوفية».. وإيمى: «عشان بيجبلي شاورما»

لا شك أن الحب من المشاعر النبيلة التي تجعلنا نتحمل قسوة الحياة فعندما نجد النصف الآخر نشعر وكأننا ملكنا العالم بأكمله، وهذا ما دفع النشطاء على موقع التواصل الاجتماعي «فيس بوك» لتدشين «إيفينت» جديد تحت عنوان «حبتها/حبتيه ليه» للتعرف على أسباب اختيار شريك الحياة، ولكن كعادة المصريين الذين يتمتعون بخفة الدم تحول الإيفينت إلى مساحة من الفكاهة والدعابة، حيث تعرض لكم السطور التالية أغرب ردود الأفعال.
بيجبلي شاورما
ردت إيمي ساخرة: «عشان بيجبلي شاورما»، وأضاف محمد فرغلي: «عشان قالتلى لو حبتنى «هبطل أشجع الزمالك أميدو»، وطبعا ضحيت عشان خاطر نادينا العظيم»، وتابع يحى المصري: «اكتشفت أنها أهلاوية».
حبيته من غير أسباب
وقالت أمل محمود: «بيحب محشى ورق العنب.. أهم حاجة ورق العنب غير كده شكليات»، وذكرت إسراء حسنى: «مفيش حاجة اسمها حبيته ليه.. ربنا اللى اختاره ليا وخلاني أحبه أووووى، والحمدلله اختيار ربنا هو أحلى حاجة ليا».
وذكرت نور بدر: «مفيش ليه.. ببساطة من غير أسباب عشان لو في سبب معين فيه وهو اتغير بعد كده هدور ع غيره وده مبيبقاش اسمه حب ده إعجاب.. حبيته من غير أسباب».
وكتب عمرو طه: «مقتدرش أقاوم جمال مكرونتها البشاميل والجنبة بتشد والبشاميل بيبوظ»، واستطرد أحمد: «عشان أبوها وأهلها بيسافرو إيطاليا».
فيلا ب3 جناين
أما آية مصطفى، فذكرت: «علشان معاه فيلا ب 3 جناين مش جنينة واحدة»، وقال مصطفى يوسف: «كانت بتطبخ حلو أوي»، وتابع عبد الرحمن شلبى: «علشان بتشجع الزمالك».
علشان منوفية
وجاء تعليق دودى كالتالى: «عشان كان أراجوز»، وتابع ياسر جمال: «علشان منوفية»، وتابع محمد المنشاوى: «بتجيب كارت العيلة وتشحنلى».