مصفف شعر: «تعلمت على يد خالي وزوجة عبد الناصر كانت زبونتي»

قال مصفف الشعر محمد الصغير: إن "النجاح بسيط بس الناس بتكعبل الأحداث، والإنسان ربنا خلقه بنظر، علشان يشوف ويتعلم، مضيفا: حبيت مهنة الكوافير لأسباب شخصية، ولأني عشت في مجتمع بعيد عن الأجواء العائلية.
وأضاف «الصغير» خلال حواره مع الفنانة منى عبد الغني مقدمة برنامج «الستات ما يعرفوش يكدبوا»،المذاع على فضائية «cbc»: «بدأت الشغل وعمري 10 سنين، لإني كنت شقي فأمي حبت تهديني، وخلتني أشتغل في محل خالي، وفي وقتها كان من أشهر كوفيرات مصر، وكان يعتبر عميد المهنة في مصر، وزبائنه من مشاهير المجتمع، ومن ضمنهم تحية كاظم زوجة الرئيس الراحل جمال عبد الناصر، وقدرية قدري، وعائلة فرانسوا التاجر.
وأضاف: شوفت عالم مختلف وحبيت أعيشه، وكان ليا قصص مثيرة، لإني كنت طفل بحب أشوف وأدور على كل حاجة، مضيفا: اتعلمت بسرعة على إيده.
وتابع: "كنت بروح المدرسة وبشتغل في الإجازة لغاية 14 سنة، وتفرغت بعدها للمهنة، وحبيت يكون لها قيمة فاشتغلت على ده.