بركان غضب نشطاء التواصل الاجتماعي لمقتل شاب على يد أمين شرطة.. أحمد: «الأمين صفى شاب عشان كوباية شاي».. محمد: «لازم نفوق بقى من أم الجبن ده».. آلاء: «شوف الباشا عمل إيه قتلنا عشان جنيه»

انتاب نشطاء مواقع التواصل الاجتماعي "فيس بوك وتويتر" حالة من الغضب نتيجة قيام أمين شرطة بإطلاق النار على ثلاثة أشخاص في مدينة الرحاب فقتل أحدهم وأصاب اثنين، وقد دشن النشطاء هاشتاجين أحدهما بعنوان "أمين الشرطة" والثاني بعنوان "الرحاب"، احتلا مراكز متقدمة في تراند مصر على تويتر، النشطاء رفضوا ما يقوم به أمناء الشرطة من قتل المواطنين، الذي زاد بشكل مثير مؤخرًا.
«كوباية شاي»
قالت شريهان فاروق: «بقينا نسمع عن أمين شرطة قتل ولا بنستغرب.. بقى الخبر زى كلمة صباح الخير اللى بنقولها لبعض.. أول ما يتقال كلمة أمين شرطة نسأل على طول قتل كام..ولا عذب مين..أو سب وشتم مين.. أمين شرطة».
وأضاف أحمد البقري: «أمين شرطة صفى شاب عشان كوباية شاي وعشرين جنيه!!! صفاه كده بمنتهى السهولة وهرب!!!».
وعلق ناجي العيسوي: «أمين شرطة يقتل مواطنا ويصيب اثنين بالرصاص في مدينة الرحاب...!».
وتابع محمد فكري: «لازم نفوق بقي من أم الجبن اللي عايشين فيه دا عشان نبقي زي بقية العالم».
«مفيش عقوبات»
وقال أركسي: «في ظل غياب القانون ونوم الشعب في العسل أمناء الشرطة يستغلون الفرصة انهم يجربوا سلاحهم الجديد.. أصل ياعيني مدربهومشي على ضرب النار.. أمين شرط».
وأضاف أحمد القاضي: «طول مفيش عقوبات هتلاقي كل يوم أمين شرطة يقتل مواطن عشان مش عاجبه المواطن ده.. إذا كان سيدهم حبيب العدلي أخد براءة».
وعلق أحمد محرم: «ألا هوا أمين شرطة بتاع حادثة الدرب الأحمر عامل إيه دلوقت..».
ورد عمار محمد: «البلد دى رايحة على فين.. بيقولك أمين شرطة قتل واحد علشان كوباية شاى عند صينية الرحاب.. حسبنا الله ونعم الوكيل».
وتابع أحمد السيد: «أمين شرطة تاني؟!! الناس لو كررت سيناريو 28 يناير، مش هتسامح الداخلية تاني».
«ولا أي اندهاش»
وقال لورنس: «أمين شرطة جريمة قتل رقم كام لأمناء الشرطة؟ ولا أي اندهاش!!!!».
وأضافت نجلا عادل: «جرائم أمناء الشرطة عرض مستمر مقتل صاحب «نصبة شاى» وإصابة 3 آخرين برصاص أمين شرطة في الرحاب طب وبعدين».
وعلقت هالة صمويل: «الرحاب جريمة قتل في بلد فيها 90 مليون منهم نحو 300 ألف أمين شرطة والقاتل اتقبض عليه فورا بلاش زيطة على الداخلية كلها مفيش فئة بلا خطية».
وردت شيرين محمد: «أقسم بالله البلد دي ما بلدنا الدم فيها كتر والقتل فيها عادي.. أمين شرطة.. الرحاب».
وتابع عصام درويش: «بلطجة الأمناء مستمرة.. الرحاب».
وقال خير الدين: «افتح القوس يابنى وزود.. الرحاب».
وأضاف محمد هاني: «حادث فردي هيعدي زي كل اللي عدوا قبل كده.. الرحاب».
وتابعت آلاء محمد عطية: «من عند الورد والشاى والدم: على صنية قدام الرحاب عند الطريق الرابط بين طريق السويس والتجمع اتقتل تلاتة اتنين عندهم نصبة ورد وواحد عنده نصبة شاى شوف الباشا عمل إيه قتلنا عشان جنيه ».