من «إعلام الرئاسة» ل «إعلام الداخلية»: «عيب كده»

استنكر الإعلامي رامى رضوان، وأحد الشبان المفضلين داخل مؤسسة الرئاسة طريقة تصوير حلقة برنامج «مهمة خاصة» للإعلامي أحمد رجب، المذاع على فضائية «الحياة 2»، التي عرض خلالها لحظات تحرير شاب تم خطفه واحتجازه تحت تهديد السلاح داخل كهف بقلب الجبل في محافظة بنى سويف.
وقال «رضوان»، عبر صفحته الشخصية بموقع التواصل الاجتماعي «فيس بوك»: « لازم كلنا نصدق ونقتنع بصعوبة العملية دي اللي كلها beauty shots أي لقطات جمالية للقوات، اقفلي كده يا باشا ناخدلك لقطة مع الشمس، وأنت يا باشا لف معانا عشان ناخد لقطة سلويت، الباشا اللي هناك انزل عند التبه عشان ناخدلك لقطة معاها، وأخيرا.. فقاقة الشخص اللماح بتاع الطحينة وعيش وشاي وقهوة دي يعني معايشة كاملة».
وأضاف: «ده لو واحد بيعمل فيلم كارتون للأطفال مش هيطلع الشغل الأهطل ده!! لا الحقيقة مسئولو الإعلام في الداخلية تفوقوا على نفسهم.. على الله مجدي عبد الغفار يكون سعيد بيهم بس وبإنجازهم الرائع.. لو هكذا هي عقلية الداخلية في تصوير عملية..ولو هكذا تدار العمليات..يبقى آخرهم يغطيلهم هذا الإنجاز العظيم مجلة ميكي!!».