بالفيديو.. هالة فاخر ل«نشطاء فيس بوك»: «اسكتوا واكفونا شركم»

أكدت الفنانة، هالة فاخر، أن هناك مواطنين لا يجيدون سوى الإحباط.
وقالت هالة فاخر: «في ناس قاعدة تناضل على فيس بوك، في عالم افتراضى لوحدها، ويصدرولنا طاقات سلبية، لازم نشوف الدول اللى حوالينا، ونحمد ربنا على النعمة اللى إحنا فيها».
وأوضحت هالة، أنه يجب الاتعاظ من الحروب الدائرة في الدول المجاورة، موضحة:«بقول للمواطنين دول: اتقوا الله في بلدكو وبدل ما انتوا قاعدين تتفلسفوا وتنظروا، انزلوا اشتغلوا واعملوا حاجة تفيد البلد، واسكت خالص واكفينا شرك».
وأشارت الفنانة، إلى أنه تم توفير الوظائف وبمرتبات تصل لخمسة آلاف جنيه، قائلة:«بيستغلوا دمهم الخفيف ويتريقوا على كل حاجة في اللى بنقولها، واللى بيقولها الناس الكبار اللى عندنا، عاميين عنيهم عن الإيجابيات، وبيقولوا أن لسه في عاطلين وناس فقيرة وان مكنفيش حاجة حصلت في البلد».
وأضافت «هالة»، خلال تقديمها لبرنامج «انتبهوا ايها السادة»، المذاع على فضائية «الحياة»: «انا مش بقول إن المصريين غرقانين في بحور العسل واللبن، والدنيا وردى؛ لكن في فعلا إنجازات، في طرق بتتمد وفى مساكن بتتبنى وفى أراضى بتنصلح وفى مصانع بتتأسس».