هاشتاج «الزمالك يقدر» يزلزل «تويتر».. ونيس: «يشيل أكتر من كده في العودة».. توتا: «ييجي قدام الأهلي والنجم ويقلب بطة بلدي».. منى: «لسه الأمانى ممكنة».. أحمد: «مفيش مستحيل».. وسارة: «هنرضى بقدر ربنا»

دشن جماهير نادي الزمالك، عبر موقع التواصل الاجتماعى «تويتر»، مساء اليوم الإثنين، هاشتاجًا جديدًا تحت عنوان «الزمالك يقدر»، تفاعل معه الكثير من محبى القلعة البيضاء، وعدد من جماهير الأهلي، الذين تباينت آراؤهم عن مدى قدرة الفريق في تحقيق نتيجة إيجابية في لقاء العودة بالقاهرة أمام نظيره النجم الساحلي التونسي في إياب الدور قبل النهائى من بطولة كأس الاتحاد الأفريقى لكرة القدم «الكونفيدرالية»، ومن جانبها رصدت «فيتو» بعض التعليقات.
«مفيش مستحيل»
قال أحمد محمود بنظرة متفائلة: «فرقة فيها حفنى وكهربا ومصطفى وحمودى وباسم ومكى مش هيقدرو يجيبو 5 أجووووان»، وأضاف زيدان قائلا: «علمك عالي فوق في السما رأسي رافعها زملكاوي أنا بجمهورنا وروحنا هنجيب الفوز.. مفيش مستحيل بإذن الله».
وكتب أحمد جمعة قائلا: «مع الأبطال مفيش مستحيل الزمالك يقدر يحقق المستحيل»، وتابع محمود الدفاس قائلا: «زي ما صنف الأول على العالم 2002 يقدر الملكي أنه يفوز»، وواصل ريمون قائلا: «اكيد طبعا مش مستحيله يعني احنا جمهوره الجبار».
«عايزين شوية رجولة»
وتابع المايسترو قائلا: «مفيش حاجة مستحيلة وعايزين شوية رجولة»، وأضاف حمدى أحمد: «11 مقاتل في أرض الميدان يهدوا الدنيا إن شاء الله»، وشارك محمد حربى في الهاشتاج قائلا: «المستحيل مش زملكاوى».
وقالت سارة سعيد: «لعيبة الزمالك رجالة واحنا واثقين فيكو بس انتو اعملو اللي عليكو واحنا هنرضي بقدر ربنا»، وتابعت نوفا قائلة: «لو عايز اللقب حارب عشانه لآخر دقيقة»، وواصلت منى: «لسة الأماني ممكنة».
«المهمة اتعقدت»
وقال ونيس ساخرًا: «للعلم بقي يا اخواننا خلينا صرحا الزمالك يقدر يشيل اكتر من كدة في العودة»، وأضاف أحمد دسوق بنظرة غير متفائلة: «مع احترامي للجماهير الزمالك بس انا شايف أن المهمه اتعقدت بعد الهدف الرابع».
وشارك حاتم محمد في الهاشتاج قائلا: «ده كلام بتقولوا علشان تصبروا نفسكوا بيه إنما هو في الحقيقة خرافات»، وأضاف جمال سعد ساخرًا: «الزمالك يقدر يشيل هنا زى ماشال هناك وهو ده الزمالك اللى اعرفه».
وأضاف الكوتش ساخرا: «يخسر تانى في العودة وده شئ مفروغ منه تماما»، وقالت توتا عبر الهاشتاج: «الزمالك يقدر يفوز على أي فريق يجي قدام الأهلي والنجم ويقلب بطة بلدي».
وكان الفريق الأول لكرة القدم بنادي الزمالك، سقط في فخ الخسارة بهزيمة ثقيلة، أمس الأحد، أمام مضيفه النجم الساحلي التونسي بخمسة أهداف مقابل هدف، في المباراة التي أقيمت على الملعب الأوليمبي بمدينة سوسة التونسية ضمن مباريات الدور قبل النهائي لبطولة الكونفيدرالية الأفريقية.
يشار إلى أن لقاء العودة سيكون في القاهرة، يوم السبت المقبل، والزمالك مطالب بتسجيل رباعية نظيفة من أجل التأهل للمباراة النهائية للبطولة.