شلاليت

كل يوم تشكيل وزارة.. للى عايشين وسط حارة
مين يحب يكون وزير.. في البلد حاكم أمير
كلنا طامع في كرسى يكون كبير
الحكومة كل يوم تشكيل جديد..
والمهم أنهم عايزين أكيد
كل واحد في الوزارة يكون فريد.. بس يشرح للغلابة كل حاجة
والجميع يصبح في راحة يكون سعيد
لو سمحتوا كل واحد يفتكرني..
وبمشاكل بلده يقعد ويشاورلى
وإللى عايز يعترض ييجى يحاورني..
بس مش عايز كلام مدسوس يثيرنى
أحسن أمشى قبل ما الشعب يحاصرنى
قولتوا إيه قبل توزيع الكراسي..
والرئيس يأمر أكون صابر وراسى
ماتخافوش أنا قلبى حاسس بالمآسي..
أصلى كنت في يوم من التفكير أقاسى
إن لو أصبح وزير أفقد حماسى
بس أخاف من أيه وأنا قاعد وزير.. والحرس قدامى واقف شى خطير
والجميع تعظيم سلام عند المسير..
إنما صحيت لما زوجتى قالت اصحى
أنت كنت في حلم بتحاول تطير