«أنا ليا ضهر» شعر ل«مينا إميل يوسف»

كتب الشاعر مينا إميل يوسف، قصيدة جديدة بعنوان «أنا ليا ضهر» تقول كلماتها:
أنا ليا ضهر أنا ليا ضهر
عمرى ما شفت في مرة قهر
واخد حقى في كل حاجة
ما كل حاجة ليها مهر
خالي أكبر مستشار
عمري ما بكدب ولا فشار
عايش بلطجي على الجيران
طالع منشار نازل منشار
واخد حقي في الوظيفة
الشوارع دايما نظيفة
مسئولين طاهرة وشريفة
البلطجية بقت لطيفة
شارعي مافيهوش مخالفات
لسه من ساعة عسكري فات
بيلف يقول مين هناك
العشوائية دي خرافات
أنا مش بكدب ولا سكران
أبويا حوش في الريان
علشان كدة فلوسنا كتير
أنا مليونير من زمان
خرم شرابي ده ديرتي لوك
اسمي الغني في فيس بوك
والكام بقعة إللي في قميصى
أصل الكاتشب بيقع يعوك
مش مقتنعين ليه يا جماعة
الهمبكة لغة الساعة
إذا كنت بغني شوية
ده لأني مطرب إذاعة