سمية الخشاب تنعي نور الشريف

نعت الفنانة، سمية الخشاب، الفنان القدير الراحل نور الشريف، قائلة: «البقاء لله، ربنا يرحمه، ومش عارفة أقول إيه، هو في ذمة ربنا».
وأضافت «سمية»، خلال مداخلة هاتفية في الفقرة الإخبارية، على فضائية «سي بي سي إكسترا»: «كان إنسانا رائعا، بعزى أسرته ومحبيه في العالم كله، وكان وش الخير عليا، كان بينصحنى عشان أطلع بأداء كويس، كان بيفكر في كل اللى نحوه، وعلى المستوى الانسانى كان بيساعد الناس، ولا يتأخر على أحد».
وقال الفنان، محمد رياض، خلال مداخلة أخرى، في نفس الفقرة: «نا لسه عارف حالا، هي صدمة كبيرة لينا كلنا للوسط الفنى ولمصر كلها، كان إنسانا عظيما، الله يرحمه، ليه فضل على ناس كتيرة زيي، هو أب وأخ، ربنا يصبر كل محبيه وناسه وجمهوره».
وأضاف أن الفنان الراحل قال له: «انا كتبت اسمك في البطاقة بتاعتى وبقيت ابنى خلاص، من كتر الأعمال اللى عملناها مع بعض».
فيما قال الفنان سامح الصريطى، في مداخلة أخرى أيضا: «مش قادر أتكلم، ومفيش أي كلام هيتقال دلوقتى المهم إنه هيتم تشييع جثمانه غدا من مسجد الشرطة ب6 أكتوبر».