الحقوني.. العيال حيجننوني كل حبه بيحرجونى محتاجين فى العيد خروف حتى لو فى النار رمونى العيال عايزين خروف لحم ضانى وجلد صوف قلت أجيبه منين ياعالم دا المرتب مش ألوف أمهم قالت عيالى نفسهم فى خروف ياغالى قلت أشحت واللا أسرق امشى يا اللا من قبالى إنتوا ناسيين تبقوا مين؟ واللا عايشين يعنى فين نفسكم فى خروف ولحمة؟ وإنتوا جعانين من يومين هى كلمة ومش حاعيدها الخروف مش جاى فى عيدها وأنتوا أبوكم طول نهاره إيده إيد شحات ماددها فجأة زوجته نادت عليه فوق بقى بتحلم بأيه إصحى طبق الفول بيسخن قال لها طب حاصحى ليه؟