اللي بني مصر

الليّ بنى مصر قال
عن السفر والعيال
يا اللاّ اسمعوا الموّال:
زعق الوابور ع السّفَر
أنا قلت رايحين فين؟
رايحين تغيبوا سنة
واللاّ تغيبوا اتنين؟
زعق الوابور ع العيال:
المزلقان مفتوح
أبوّح ويا أبوّح
إهمال دا ولاّ قدر؟
ويا روح ما بعدِك روح
يا دم يا مسفوح
خمسين صغير آمنين
صار العّجَل سكاكين
زعق الوابور ع العيال:
واتبعتر المساكين
زعق الوابور ع المجالس
لقى الرجال هايصين
يسلَّكوا المواسير
زعَق الوابور ع مصر:
يا مصر كيف الحال؟
بلد بلا أطفال؟
طب بكرة ييجى إزّاي؟
وَنَا مِنْكِسرِ وحزين؟