ننشر الخطة الكاملة لمقاطعة «المحمول والإنترنت» خلال أسبوع

أعلنت الصفحة الرسمية لثورة الإنترنت، تفاصيل خطتها التصعيدية ضد شركات المحمول والإنترنت على مدى الأسبوع الحالي، لتضمن المقاطعة لمدة ساعة كل يوم، والخروج من المشاركة بصفحات شركات الاتصالات.
وقالت الصفحة، إن الحملة ستمتد طوال أيام الأسبوع، لتبلغ ذروتها الخميس المقبل، عبر خطوات تصعيدية جديدة سيتم الإعلان عنها في وقت لاحق.
وتابعت الصفحة نصا، "كلنا هنشارك ف الحملة الجديدة اللى هتكون على مدى الأسبوع وهي ‫#مقاطعين_كل_يوم‬، الهاشتاج شارح نفسه بس مش هو ده اللى هنعمله بس...
1- هنعمل unlike وunfollow لكل صفحات شركات الاتصالات
" Te Data - LINKDSL - Mobinil - Vodafone Egypt - Etisalat Misr -Telecom Egypt " من فيس وتويتر.
2- كل واحد هيعمل منشن لأصحابه ولحد من أسرته وهترنوا على بعض من غير ماحد يفتح على التاني وبكده النتيجة هتبقي "استغلال شبكة اتصال واستقبال ع الفاضي" كل يوم من الساعة 8 مساءً ونصف حتى الساعة 9 مساءً (خطوة مهمة وتأثيرها قوووي جدا).
3- كل يوم من الساعة 9 لحد الساعة 10 هنشيل الخطوط أو نعمل وضع الطيران.
طب ده طول الأسبوع ؟ ويوم الخميس ؟
زي ماقولنا للكل ووعدناكم كل يوم خميس في فاعلية أقوى من الخميس اللى قبله وفاعلية يوم الخميس اللى جي هتكون قوية جدًا بس محتاجة دعم كبير وسرية تامة وعشان السرية دي خليها مفاجأة وهنعلن عنها يوم الأربع بالليل".