النشطاء غاضبون من تورط حماس فى مذبحة رفح.. ريمون: ليه مظهرتش نتائج التحقيقات لحد دلوقتى ..أرووم:كفاية قتل فى المصريين..مها: الإخوان مش مصر وحماس مش فلسطين.. ميزو: حماس قتلت فلسطينيين مش حيقتلوا مصريين

لا يزال مقتل الجنود المصريين على الحدود بيد قادة حماس- حسبما ذكرت مصادر إعلامية- يثير الكثير من سخط النشطاء المصريين على تويتر ودشنوا هاشتاج بعنوان "حماس" للتعبير عن مدى غضبهم وسخطهم نتيجة لهذا الكشف الصادم.
قال ريمون شاكر: "كتائب القسام تقول الادعاء بتورط حماس فى حادث رفح كاذب.! طب ليه مظهرتش نتائج التحقيقات لحد دلوقتى"
أما شريف سعد فقال: "مافيش أى معلومة مؤكدة من جهة رسمية اتهمت حماس فى عملية رفح بس ارتباطهم بالإسلام السياسى اللى مارس العنف عشرات السنين خلى الرواية ممكنة"
وقالت مها المربع: "الإخوان مش مصر وحماس مش فلسطين...تعيش مصر وفلسطين ويسقط الإخوان وحماس"
وقال هانى طنطاوى: "المتحدث باسم حماس بيأكد أن الرئاسة أبلغتهم أنها ضد هدم الأنفاق ومرسى ضد تأمين حدود مصر"
وقال ميزو 83 : "إذا كانت حماس قتلت فلسطينيين مش هايقتلوا مصريين؟"
وقال حازم توفيق: "الرئيس الإخونجي بعد هجوم حراك أوغاد التجنيس وغربان الإخوان أذناب حماس على مبادرة زمزم وكيل التهم الباطلة انكشفت حقائقهم"
وقال عماد باسم: "يبقى الموضوع بقى مش حماس، إحنا كده فى مواجهة حزب الله وإيران وش، حماس القواد اللى يغمض عنيه ويدى ضهره"
وقالت نانو نونو: "بالنسبة للنشطاء اللى كانوا بيقولوا بنا وبين شفيق دم.. ياترى دلوقتى بينك وبين مرسى وأهله وعشيرته حماس إية شاى بالقرنفل!!!!"
وقال أحمد بهاء: "سبحان الله يا أجدع حماس مش مكفياها الكيان الصهيونى وحركة فتح قامت مستدعيه ليها عدو آخر وهو الجيش المصرى"
تامر زهران قال: "غزة واحدة من أكثر من 18 مدينة كبرى فى فلسطين وحماس أصغر من أن تمثل الشعب الفلسطينى"
أروى الديب قالت "متلازمة حماس سبب مصايب مصر !!"
مى دياب قالت: "وفى نفس الوقت مضغوط عليه من مرسى ال... فكان الحل أنه يباصى الموضوع للصحافة من خلال جريدة كبيرة موثوقة زى الأهرام "
بيشوى لويس قال: "أوكى زعلانين أننا بنقول حماس قتلت العساكر فى رفح ؟ بلاش حماس يا سيدى ... مين بقى إللى قتلهم وليه مطرمخين على التحقيقات؟.. طيب حماس حلوة حماس جميلة ... ليه بقى حكومة رئيسك مرسى مش راضية تطلع نتائج التحقيقات؟ وبعدين زعلان أوى على حماس ليه؟ تقرب للوالدة؟"
دكتور الغامرى قال: "معروف للمخابرات الحربية أن منفذى مجزرة رفح هم مجموعة من جماعة"جند الإسلام" فى"غزة" ولاتستطيع حماس القبض عليهم أو تسليمهم لمصر وهذا مأزق"
عمر سليم قال: "حماس تبع الإخوان .. قوووووم أيه ، تقتل جنود مصريين علشان تقلب الرأى العام وتعمل قلق للإخوان اللى هما تبعهم !"
أروم 4 قال" إلى المجاهدين فى حماس....كفاية قتل فى المصريين غدر ياولاد ال... العيب مش عليكم العيب على اللى دخلوكوا مصر"
وقالت من أطلقت على نفسها مصرية وربنا يستر" الناجى والشاهد الوحيد من مذبحة جنودنا فى رفح قال ضربونا وهم بيهتفوا "الله وأكبر" هوده مش أسلوب حماس برضه؟! كلاب!!"
وتسائل أسامة صابر" ليه نسبة الجواسيس والعملاء بين صفوف الفلسطينيين كتيرة لدرجة طرح مبادرات للعفو عنهم بل ومنحهم مكافآت؟"