حكومة باسم يوسف.. حلقه رقم (3).. الشاطر وهنية وهيلارى وبيريز وحمد بن جاسم والبيجاما الزى الرسمى للبلاد

نهار داخلى
المكان: قصر الرئاسة صالة الاجتماعات
الزمان: بعد صلاة العصر
باسم: بصوا ياجماعة نقلب الموضوع ده بدرى بدرى ونخلص بالصلاة على النبى .. ماشى ؟
القيادات: فى ذهول مما يقوله باسم والطريقه التى بدأ بها الكلام
البلتاجى: يغمض عيونه أحبك أخوك الصغنن إحنا لينا طقوس معينه لازم تعرفها
باسم :مقاطعا مش عايز أعرف.. أنا رئيس الوزراء وبعدين مش كل حاجه ندقق عليها حتى لوكانت هايفة أنا مش عايز اعرفها
البلتاجى مبتسمًا: أخوك الصغنن ماتزعلش دى تعليمات كبيرنا
باسم: ياعم كبيركم أنتم.. لامؤاخذه من أولها مفيش حد كبير على واللى مش عاجبه _صارخًا_ يمشى ..مفهوم ..يمشى ..أنا أمى قالت لى ادبح القطه من أولها
البلتاجى: حمش
المرشد: أهدى يابنى إحنا كلنا نعمل عشان الوطن
باسم: بص يا والدى انت كبيرهم على عينهم ورأسهم انما انا الوحيد اللى يقدر يقول وقف _ينظر إلى مرسى هو
الراجل طيب د
مرسى :مبتسما الله يبارك فيك أخير لاقيت حد عارفنى
باسم :اسمعونى كويس ده تشكيل الحكومة مفيش اعتراض
البلتاجى: لاتنسى أخوك الصغنن
باسم: ياريت نسمع بقى _ويصرخ_ احنا مش فى حضانة هنا
مرسى ينظر إلى البلتاجى: صبرًا دكتور حقك محفوظ خلينا نسمع الله يهديك
باسم: ينظر إلى الجميع وممسكًا ورقة الحكومة وينظر إلى الرئيس: الحكومة كلها تروح التجمع الخامس .. ليييييه
البلتاجى: مبتسمًا ليه
باسم: علشان المظاهرات والقرف اللى بيحصل ده والمكان يبقى بعيد عليهم ولو فكرو يجو كمائن الشباب تقوم باللازم ياناصح اظن مفهوم لازم الشعب يخاف.. ثانيًا لازم نغير القسم يعنى القسم هيكون "وحياة الأخوة والعشرة أننا نخدم الشعب على قد مجهودنا "
البلتاجى يصفق : الله عليك هو ده الشغل الشعب اصلا مش عايز غير كده
-نظرة غضب من الجميع للبلتاجى الذى يبتسم ويجلس
باسم: حرصت أن تكون حكومة ترضى الجميع داخليًا وخارجيٍا
يتولى "حمد بن جاسم "الخارجية وكدة كدة هوشغال فى قطر وإحنا وقطر واحد مصلحة يعنى توفير مرتبه
يتولى "إسماعيل هنيه "وزارة البترول والانفاق والحدود "عشان مفيش حد يسأل هو السولار بيروح لحماس ولاحد يتكلم عن الانفاق ولاالحدود
ويتولى البلتاجى: وزارة القمع والسحل والدهس والتفتيش والقرف على الشعب الداخلية سابقًا
يتولى الشاطر: وزارة البزنس والتهليب والجباية والشحاتة كدة دمجنا 4 وزرات فى بعض عشان التقشف
ويتولى أبو القمصان: وزارة الهلس والتهجيس والضحك على الدقون والتضليل والترهيب الإعلام سابقا
و يتولى كلا من مساعد اوردغان والصديق شيمون بيريز والفاضلة هيلارى نوابًا لرئيس الوزراء وبكدة نرضى جميع الأصدقاء والمخلصين فيه حد عنده اعتراض؟
-جميع القيادات تصفيق حاد: هايل برافو دى أحسن وزارة فى عصر فخامة الرئيس مرسى
باسم: يلغى جميع أنواع السيارات وتعود إلى مصر ركوب الحمير والبغال والجمال وبذلك نقضى على أزمه البترول والسولار
مرسى: اختيار موفق يامهندسنا العظيم
المرشد: والشعب هتعمل معاه ايه
باسم: الشعب يحمد ربنا اننا احنا بنأكله وهوقاعد مرتاح _ويصرخ_ هى البلد مالهاش كبير .. دة كان زمان أيام المخلوع مال احنا خلعناة ليه يابلتاجى ؟
-يجرى عليه البلاجى :اخوك الصغنن
أى حد يتكلم .فى بيته .على القهوة .فى الحمام.مع نفسه .يعتقل فورا سامعنى يابلاجى
أبو القمصان: نعم يادكتور
عايز البلد تغرق فى الجهل والتخلف أوالترهيب والمسخرة أنا عايز الناس تقفل كل القنوات الفضائية وتخلى المذيعين يشحتوا نقفل كل الصحف والمجلات خلى الصحفين يكتبوا على الحيطان عايز حكومة باسم الكل يتكلم عنها ويكون الزى الرسمى للبلاد "البيجاما"
-تصفيق حاد من القيادات وعلى رأسهم فخامته
القيادات:هود اللى ينفع معاهم
الشاطر: أول مرة أحس أن مصر مش هتضيع
باسم صارخًا: لالا لاحرام حرام استوب استوب كاميرا 4 وقف
ماما باسم :باسم باسم
وهويصرخ :قمع لاهلس لا جبايه لا
ماما باسم :الإخوان خلاص جننوك ياحبيبى
باسم بعد أن هزته امه بعنف يجد نفسه على سريره يقول وهويتصبب عرقا : ياه حته كابوس انما ايه حكايه يانهار اسود لو ده تم ..هوفخامته غير الحكومه ولالسه
ماما: يابنى ابعد عن الشر وغنى له
باسم :ما أنا بغنى وبرقص بس الشر مش عايز يبعد عنى أعمل إيه
-يتصل بصديقه ويحكى عن الكابوس قائلاً حتة كابوس انما بجد حاجة مسخرة ويبدأ يومه !!