هاشتاج «طالبة معاك إيه دلوقتى» يتصدر «تويتر».. نوفا: «اطلع أقعد يومين فوق السطوح وأرجع».. رحمة: «أتلم أنا وصحابى ونفكر في مصيبة نعملها».. منى: «عصير بطيخ».. وفاطمة: «فلوس كتير»

دشن نشطاء موقع التواصل الاجتماعى «تويتر» هاشتاج بعنوان «طالبة معاك إيه دلوقتى»، تصدر أكثر الموضوعات تداولًا عبر الموقع، حيث تفاعل خلاله عدد كبير من النشطاء معبرين خلاله عن ما يحتاجون إليه، ومن جانبها رصدت «فيتو» أبرز التعليقات.
عمر: «أشوف واحدة مغلبانى».
بياع الأمل: «أروح أي حتة فيها بحر وأشرب شاي وأسمع أم كلثوم وأكل ترمس».
نجوى إبراهيم: «أسافر في مكان بعيد وهادي وفى بحر».
خالد نصر: «أنزل أحضن حد معرفوش في الشارع وبعدين أشكره وأمشي».
بوسى: «أروح المنتزه».
محمد: «إنى كنت أعيش في الستينات وأشوف مباراة للأسطورة محمد على كلاى على الحلبة».
جوجو: «أشرب مانجا».
هانى كندارى: «طالبة معايا رقم مبيجمعش... وكلو أصفار».
إلهام هانم: «لا مش طالبة معايا حاجة بصراحة».
فلحوسة هانم: «أجرى في الشارع وأصوت بصوت عال وآكل آيس كريم وأركب عجلة من غير ما حد يضايقنى».
ريم ممدوح: «طالبة حاجة مجنونة أعملها قادرة على تغيير الواقع».
فاطمة رضوان: «شوية فلوس كتير وصحابى المجانين وعلى دريم بارك».
محمد محمود: «خروجة جامدة مع صحابي ونكون فاضيين وبراحتنا ومعانا فلوس كتشييير».
رحمة سعيد: «أتلم أنا وصحابى ونفكر في مصيبة نعملها».
فاطمة: «طالبة نشغل مهرجانات للقمة ونرقص كدا ندلع».
ميزو: «اقعد في مكان مفيهوش بنى آدم وقدامي البحر».
نوفا: «أقوم أحضر شنطة سفري وأطلع اقعد يومين فوق السطوح وارجع».
توتو: «اغمض عيني وافتحها القاني واقفة بلمس الحجر الأسود بالكعبة...ياااه مفيش حاجة بعيدة على ربنا».
مواطن بسيط: «ادخل المسجد النبوي الشريف بالمدينة ومطلعش منه غير لما أطلع كل إلا جوايا».
إسلام السعيد: «أشرب حشيييييييييش، عاوز افصل عن الناس».
طارق عادل: «أعيش جو رومانسي على أضواء الشموع وموسيقى هادية وكوباية عصير ساقعة».
كوكا: «طالبة معاك إيه دلوقتى أجرى على البحر».
منى عادل: «عصير بطييييخ».
هند ناجى: «بحر وآيس كريم وأغاني».