هاشتاج «بتتخنق من» يتصدر «تويتر».. بوسبوس: «البنات المتسهوكة».. كندارى: «البنت اللى بتطلع شعرها من الطرحة».. سعيد: «البنت اللي صوتها عالي».. وآية: «البنات اللي قالبين وشهم محارة ولبسهم إشارة مرور»

دشن نشطاء موقع التواصل الاجتماعى «تويتر»، هاشتاج بعنوان «بتتخنق من»، تصدر أكثر الموضوعات تداولًا عبر الموقع، حيث تفاعل خلاله عدد كبير من النشطاء معبرين عما يشعرون به من ضيق بطريقة ساحرة، ومن جانبها رصدت «فيتو» أبرز التعليقات.
ياسمين: «بتخنق من الكلية واللى فيها».
ميدو: «اللي يقعد جنبك ويسألك أخبارك إيه؟ ليه لازم يضربك على فخدتك؟! يعني إيه علاقة الأخبار بالفخاد».
سماح: «لما حد يبتدي النقاش معاك بكلمة ربنا عرفوه بالعقل تيجي تناقش يقولك لا تجادل الله ارسى على حل».
نيفين مصطفى: «الناس اللي مش فاهمة حاجة وبتتكلم وخلاص».
فاطمة الزهراء: «لما ألاقي أم ماشية هي وابنها الصغير ومخلياه بره عند العربيات وهي جوة وماشية بتجره من دراعه».
بوس بوس: «البنات المتسهوكة».
آية: «البنات اللي قالبين وشهم محارة ولبسهم إشارة مرور».
مها: «لما الصودا تروح من البيبسي بتاعي».
كوكا: «غسيل المواعين والطبيخ».
زيكو: «اللى بيحشر نفسه في اللي ميخصوش».
مى: «اللى فاكر نفسه جينيس وفاهم كل حاجة وهو أصلا عبيط».
سعيد: «البنت اللي صوتها عالي».
دينا مجدى: «اللى مركزين معايا خليكوا في حالكوا بقى».
أحمد فرانكو: «البنات اللي المفروض تعرف أن المكياج لتحديد الملامح.. مش لتشطيب الشقق».
إيمى: «من الإنسان الطماع والأنانى».
جوجو: «لما أخرج خروجة حلوة وأتبسط وأبويا يزعئلى لما أروح علشان اتأخرت».
رحمة سعيد: «الناس اللي عايشة علشان تقرفنا».
آيووية: «لما حد يطلع فيك عيوب والحد دا مليان عيوب الدنيا كلها».
إيهاب: «البت اللى تتكلم في الموبايل بصوت عالي وهي ماشية في الشارع، أو في المواصلات».
شهيرة: «البنات اللى بتقعد على سلالم الكلية».
زيكا: «الحر والزحمة والصوت العالي».
محمد عبدالله: «البنات الزنانة ودول كتير».
بنى سعد: «اللى بيعلى صوته وهو حمار أساسا».
هانى كندارى: «البنت اللى بتطلع شعرها من الطرحة».